სომხეთის თავდაცვის სამინისტროს ინფორმაციით, აზერბაიჯანის შეიარაღებულმა ძალებმა სომხეთის ტერიტორიაზე სამხედრო ტექნიკაზე მიიტანეს იერიში
აზერბაიჯანის შეიარაღებულმა ძალებმა სომხეთის ტერიტორიაზე სამხედრო ტექნიკაზე მიიტანეს იერიში. აღნიშნულის შესახებ განცხადებას სომხეთის თავდაცვის სამინისტრო ავრცელებს, სადაც ასევე აღნიშნულია, რომ სომხეთი იტოვებს უფლებას, თავს დაესხას აზერბაიჯანის ნებისმიერ სამხედრო ობიექტს.
"14 ოქტომბერს აზერბაიჯანის სამხედრო ძალებმა სომხეთის ტერიტორიაზე სომხეთის შეიარაღებულ ძალებს დარტყმა მიაყენეს. სომხეთის შეიარაღებული ძალები იტოვებენ დარტყმის უფლებას აზერბაიჯანის ნებისმიერ სამხედრო ობიექტზე“, - ნათქვამია სომხეთის თავდაცვის სამინისტროს განცხადებაში. წყარო
ცნობისთვის, 10 ოქტომბერს სომხური და აზერბაიჯანული მხარეები მოსკოვში ცეცხლის შეწყვეტაზე შეთანხმდნენ, თუმცა შეთანხმება არ სრულდება. ცხედრებისა და პატიმრების გაცვლა ამ დრომდე ვერ ხერხდება და შეიარაღებული დაპირისპირება კვლავ ინტენსიურად მიმდინარეობს.
მთიან ყარაბაღში კონფლიქტი 27 სექტემბერს განახლდა. დაიჭრა და დაიღუპა ასობით ადამიანი, მათ შორის არიან მშვიდოაბიანი მოქალაქეები.
კორონავირუსის შემთხვევების კვლავ გაზრდის გამო, იტალიასა და შვეიცარიაში შეზღუდვები გამკაცრდა
"ეს მომენტი უკვე შორს არ არის" - დიდ ბრიტანეთში იმედოვნებენ, რომ კორონავირუსის საწინააღმდეგო ვაქცინის ფართო გამოყენება დეკემბრის ბოლოდან დაიწყება
