მინსკში საპროტესტო აქცია სპეცტექნიკის გამოიყენებით დაშალეს

ბელარუსის დედაქალაქში, მრავალათასიანი არასანქცირებული ანტისახელისუფლებო დემონსტრაციიის დასაშლელად სპეცტექნიკა გამოიყენეს.

მედიის ცნობით, რამდენიმეჯერ გაისმა აფეთქების ხმა, რომელიც ხმოვანი ყუმბარების ხმას ჰგავდა.

შინაგან საქმეთა სამმართველოს ცნობით, ბელარუსმა სამართალდამცავებმა პარტიზანების გამზირზე მინსკში ჰაერში რეზინის ტყვიები ისროლეს მას შემდეგ, რაც დემონსტრანტებმა მათ ტრანსპორტს ქვები დაუშინეს

მისი თქმით, ეს მათი მხრიდან გამაფრთხილებელი გასროლა იყო.

მინსკში ანტისახელისუფლებო აქციები 9 აგვისტოდან იმართება. მოსახლეობის ნაწილი საპრეზიდენტო არჩევნების შედეგებს არ ეთანხმება, რომელშიც მოქმედმა პრეზიდენტმა ალექსანდრე ლუკაშენკომ გაიმარჯვა.