ავტორი:

"კოვიდ-19 იქნება უფრო დიდი მკვლელი, ვიდრე შიდსი, ტუბერკულოზი, მალარია და ჰეპატიტი... არის პროგნოზი, რომ მომავალ გაზაფხულამდე კიდევ მილიონ ადამიანს იმსხვერპლებს" - გამყრელიძე

"კოვიდ-19 იქნება უფრო დიდი მკვლელი, ვიდრე შიდსი, ტუბერკულოზი, მალარია და ჰეპატიტი... არის პროგნოზი, რომ მომავალ გაზაფხულამდე კიდევ მილიონ ადამიანს იმსხვერპლებს" - გამყრელიძე

კოვიდ-19 იქნება კიდევ უფრო დიდი მკვლელი, ვიდრე არის შიდსი, ტუბერკულოზი, მალარია და ჰეპატიტი, - აღნიშნული განცხადება მთავრობის ადმინისტრაციაში გამართულ ბრიფინგზე დაავადებათა კონტროლის ცენტრის ხელმძღვენელმა ამირან გამყრელიძემ გააკეთა.

გამყრელიძის თქმით, არის პროგნოზი, რომ მომავალ გაზაფხულამდე კოვიდ-19 კიდევ მილიონ ადამიანს იმსხვერპლებს.

მან ხაზგასმით აღნიშნა, რომ მსოფლიოში სერიოზული პანდემიაა და ვაქცინამდე და ეტიოტროპულ წამლამდე, დაცვის ერთადერთი საშუალება მხოლოდ პირბადეა.

„არასწორია მოარული აზრი, რომ მსოფლიოში კორონავირუსი არ არსებობს, მოგონილია, არის სურდოსავით და მალე გაივლის. არ არის ეს სწორი. სერიოზული დაავადებაა და მილიონი ადამიანი უკვე შეიწირა. არის პროგნოზი, რომ მომავალ გაზაფხულამდე, სამწუხაროდ, კიდევ მილიონი იქნება... ეს იქნება კიდეც უფრო დიდი მკვლელი, ვიდრე არის შიდსი, ტუბერკულოზი, მალარია, ჰეპატიტი - ეს ოთხი ყველაზე დიდი ინფექციური მკვლელია და კოვიდი მათ გადაასწრებს“, - განაცხადა ამირან გამყრელიძემ.

გამყრელიძე საზოგადოებას მოუწოდებს, კორონავირუსის გავრცელების პრევენციის მიზნით, პირბადის ტარების გარდა, თავი შეიკავონ დიდი თავშეყრის ადგილებისგან, მათ შორის მასშტაბური ქორწილებისგან და დღეობებისგან.

ამირან გამყრელიძის თქმით, პირბადის ტარება 50-დან 75%-მდე ამცირებს ინფექციის გავრცელების რისკს, ამიტომ ის საზოგადოებას ურჩევს, ღია სივრცეშიც ატარონ პირბადე.

„გუშინ ახალი მონაცემები ამოვკრიფე ყველაზე მაღალრეიტინგული ჟურნალებიდან. დაცვის ყველაზე საუკეთესო საშუალება პირბადე გახლავთ. მისი ტარება დღეს უკვე, როცა ინფიცირების სერიოზული მატება გვაქვს, აუცილებელია დახურულ შენობებშიც და ღია სივრცეებშიც, სადაც ვერ ვიცავთ 2 მეტრიან ან 1,5 მეტრიან დისტანციას. მაინც მოგიწოდებდით, რომ ღია სივრცეებში ამ ცივ პერიოდში უკვე, ყველამ ატარეთ პირბადე. ის 50-დან 75%-მდე ამცირებს ინფექციის გავრცელების რისკს. მედიას საზოგადოებაზე ზემოქმედების ძალიან დიდი ძალა გაქვთ, მოვუწოდოთ საზოგადოებას, რომ ყველამ დავიცვათ ეს მარტივი წესი - პირბადის ტარება და ასევე მეორე წესი, ძალიან გთხოვთ, თავი შევიკავოთ დიდი შეკრებებისგან, ცოტა ხანი, ერთ წლამდე არ გვინდა დიდი ქორწილები, დიდი დღეობები, მოვა ამის დრო, მაგრამ ჯერ ეს პერიოდი გასავლელი გვაქვს. ყველა გავრცელების წყარო, რაც ბოლო 1,5 თვის განმავლობაში გვქონდა, ამ დიდი შეკრებებიდან იწყებოდა. არ მინდა ჩამოვთვალო, ყველას წყარო ცნობილია, საიდან და როგორ გავრცელდა ინფექცია. ამიტომ, კიდევ ერთხელ გთხოვთ, ის მოარული აზრი, რომ არ არსებობს მსოფლიოში კორონა, რომ ის მოგონილია, რომ გრიპივით არის და მალე გაივლის, არ არის სწორი“, - განაცხადა გამყრელიძემ.

"ჩვენს ყველა მოქალაქეს, რომელიც სამშობლოში ბრუნდება და თან PCR ტესტი ექნება, საკანატინო სივრცე აღარ დასჭირდება" - პრემიერი

უნდა გვქონდეს თუ არა კარიერული წინსვლის იმედი სახლიდან მუშაობისას? - სპეციალისტების რჩევები დაწინაურებისთვის

ხონის მუნიციპალიტეტის მე-2 საჯარო სკოლის მოსწავლეს კორონავირუსი დაუდასტურდა - სწავლის პროცესი არ შეწყვეტილა