ავტორი:

"ექსპერტიზის დასკვნა თავდაყირა აყენებს ბრალდების ვერსიას, თითქოს 5 ადამიანი იყო მდინარის პირას ჩასული და მათ ჩააგდეს შაქარაშვილი წყალში" - ადვოკატი

"ექსპერტიზის დასკვნა თავდაყირა აყენებს ბრალდების ვერსიას, თითქოს 5 ადამიანი იყო მდინარის პირას ჩასული და მათ ჩააგდეს შაქარაშვილი წყალში" - ადვოკატი

ექსპერტიზის დასკვნა, ბრალდების მხარის ვერსია რაც არის, რომ თითქოს 5 ადამიანი იყო ჩასული მდინარის პირას და თითქოს ამ 5-მა ადამიანმა ჩააგდეს გარდაცვლილი გიორგი შაქარაშვილი წყალში, თავდაყირა აყენებს, - ამის შესახებ ჟურნალისტებს ფეხბურთელ გიორგი შაქარაშვილის მკვლელობაში ბრალდებულ ზ.ხ,-ს ადვოკატმა გიორგი გელხაურმა განუცხადა.

როგორც გელხაური აცხადებს, შესაბამისი ექსპერტიზის დასკვნით მტკიცდება, რომ ამავე საქმეზე ბრალდებულ ვასილ მახარაძესთან ერთად მანქანაში კიდევ სხვა პირები იმყოფებოდნენ.

"თუ ბრალდების მხარე იმას ადასტურებს და ამბობს, რომ ამ დასკვნით არაფერი დგინდება და მათი პოზიცია მყარდება, მაშინ რატომ ეწინააღმდეგებოდნენ ამის დართვას კონკრეტულ სისხლის სამართლის საქმეზე? ლოგიკურიც არის, რომ მათ არ აწყობთ ამის დართვა მტკიცებულებად.

ერთადერთი რამის დადგენა შეიძლება ამით, რომ მხოლოდ ვასილ მახარაძე არ ჯდება მანქანაში, მახარაძესთან ერთად სხდებიან კიდევ სხვა პირებიც, იღება ორი კარი. შუქის ანთება წინა ორ კარს აქვს და ეს ჩანს. აქ შეიძლება, იმსჯელოს ბრალდების მხარემ, რომ თითქოს უკან მანქანის ფარებს აქვთ ეს განათება, თუმცა, ეს ის მაშუქი არ არის, რაც კატეგორიულად დაწერა ექსპერტიზამ. იხსნება წინა ორი კარი და როგორ ჯდება ვასილ მახარაძე მარტო მანქანაში? ექსპერტიზის დასკვნა საუბრობს სილუეტებზეც. ბრალდების მხარის ვერსია რაც არის, რომ თითქოს 5 ადამიანი იყო ჩასული მდინარის პირას და თითქოს ამ 5-მა ადამიანმა ჩააგდეს გარდაცვლილი გიორგი შაქარაშვილი წყალში, ამას თავდაყირა აყენებს და არის მითითება იმის, რომ ვასილ მახარაძესთან ერთად მანქანაში კიდევ სხვა პირები იმყოფებოდნენ“, - განაცხადა გელხაურმა.

(ამავე თემაზე: ადვოკატი - "ექსპერტიზით დასტურდება რომ "ტოიოტა ქემრიში“ ვასილ მახარაძესთან ერთად ვახტანგ ჩიქოვანი და ზ.ხ. იმყოფებოდნენ")

ცნობისთვის, ფეხბურთელ გიორგი შაქარაშვილის მკვლელობას "ტოიოტა ქამრის" 5 მგზავრს - არჩილ გაგნიძეს, ვახტანგ ჩიქოვანს, ნიკოლოზ რევაზიშვილს, ა.ქ.-ს და ზ.ხ.-ს ედავებიან.

კახეთში 18 წლის ბიჭის ცემის ფაქტზე მისი თანასოფლელი დააკავეს - რა განცხადებას ავრცელებს შსს

კახეთში 18 წლის ბიჭი სასტიკად სცემეს - "სახეში ქვა აქვს დარტყმულიო"

"გუკა ამირხანაშვილს რომ მეგობარი მოეძებნა, 99% ის ბავშვი ცოცხალი იქნებოდა" - რას ამბობს ვახტანგ ჩიქოვანი ჩვენებაში