ინფექციური საავადმყოფოს ბოქსირებული განყოფილების ხელმძღვანელის მარინა ენდელაძის განცხადებით, კორონავირუსით თბილისში 5 პაციენტი გარდაიცვალა, ბათუმში - 3, იმერეთში - 2, გორში - ერთი.
ცნობისათვის, გასული დღე-ღამის განმავლობაში კორონავირუსით 11 პაციენტი გარდაიცვალა.
ენდელაძის განცხადებით, კორონავირუსით ინფიცირების 887 შემთხვევიდან 342 აჭარაში დაფიქსირდა, 277 კი თბილისში. მარინა ენდელაძის თქმით, ქვეყანაში კორონავირუსით ინფიცირებული კრიტიკულად მძიმე 70-ზე მეტი პაციენტი მკურნალობს.
„აჭარაში-342 ახალი შემთხვევაა, თბილისში - 277, იმერეთში -198, სამეგრელო ზემო სვანეთში - 22, გურიაში - 11, შიდა ქართლში - 12, ქვემო ქართლი - 3, მცხეთა-მთიანეთში - 10, კახეთში - 7, სამცხე-ჯავახეთში არის - 3, რაჭა-ლეჩხუმი და ქვემო სვანეთში - 2 ახალი შემთხვევა გვაქვს“, - განაცხადა ენდელაძემ.
რაც შეეხება ინფიცირებულებს, ქვეყანაში კორონავირუსის 887 ახალი შემთხვევა გამოვლინდა და ინფიცირების შემთხვევათა რაოდენობა 15 327-ს შეადგენს.