"1186 ახალი შემთხვევიდან 469 თბილისში დაფიქსირდა" - რამდენი საწოლია თავისუფალი კოვიდინფიცირებული პაციენტების მისაღებად?

ინფექციური საავადმყოფოს ბოქსირებული განყოფილების ხელმძღვანელის მარინა ენდელაძის განცხადებით, კორონავირუსის 1186 ახალი შემთხვევიდან 469 თბილისში დაფიქსირდა.

„თბილისში 469 ახალი შემთხვევა გვაქვს, აჭარაში 360 ახალი შემთხვევა გვაქვს, იმერეთში - 99, ქვემო ქართლში - 78, შიდა ქართლში -15, სამეგრელო - ზემო სვანეთში - 73, კახეთში - 46, გურიაში - 25, მცხეთა - მთიანეთში - 14, სამცხე-ჯავახეთში - 7“, - განაცხადა ენდელაძემ.

ჯანდაცვის სამინისტროს ინფორმაციით, კოვიდინფიცირებული პაციენტების მისაღებად, 19 ოქტომბრის 09:00 საათის მდგომარეობით, 972 საწოლია თავისუფალი.

ცნობისთვის, საქართველოში ბოლო 24 საათში კორონავირუსის 1186 ახალი შემთხვევა დაფიქსირდა და ინფიცირებულების რაოდენობა 18663-მდე გაიზარდა.