"გვითხრა, დაწექით ყველა, ძარცვააო... როგორ გამოვედი, არ მახსოვს" - რას ამბობს თანამშრომელი ბანკისა, რომელშიც მძარცველია შეჭრილი და მძევლები ჰყავს აყვანილი
ზუგდიდში ცენტრში მდებარე "საქართველოს ბანკის" ფილიალის დაყაჩაღება სცადეს. მიმდებარე ტერიტორიაზე მობილიზებულნი არიან სამართალდამცველები, მიმდინარეობს სპეცოპერაცია. თავდამსხმელი ერთია, გავრცელებული ინფორმაციით, ბანკის ფილიალში იმყოფებიან მძევლები. ინფორმაციას ადასტურებს ქალაქის მერიც.
მიმდინარე სპეცოპერაციის ფარგლებში გადაკეტილია ქალაქის ცენტრალური გზა. ფილიალის გარშემო შეკრებილი არიან მოქალაქეები.
ტელეკომპანია "მთავართან" ისაუბრა ბანკის თანამშრომელმა ახალგაზრდა ქალმა, რომელმაც ბანკიდან გამოსვლა მოახერხა:
“ერთი ადამიანი იყო თოფით... ასე მახსოვს ნორმალურად არავინ დამინახავს... გაისროლა რამდენიმეჯერ და ეგრევე შევიდა. მე აპარატთან ვიდექი, კლიენტს ვემსახურებოდი. გვითხრა, დაწექით ყველა, ძარცვააო... როგორ გამოვედი არ მახსოვს, არაფერი მახსოვს. მე და სესხის ოფიცერი ვართ გარეთ, ყველა თანამშრომელი შიგნით არის, მომხმარებლებიც იყვნენ...”.
ვახტანგ გომელაური ზუგდიდში ჩავიდა
იდენტიფიცირებულია პირი, რომელმაც თავდამსხმელი ბანკამდე მიიყვანა - "ეს არის რიგითი მოქალაქე"
