ავტორი:

"თანმხლები დაავადებებიც ჰქონდა, მაგრამ ამას არ გამოუწვევია მისი დამძიმება" - რას ამბობენ ახლობლები 32 წლის ქალზე, რომელიც Covid-19-ით გარდაიცვალა

"თანმხლები დაავადებებიც ჰქონდა, მაგრამ ამას არ გამოუწვევია მისი დამძიმება" - რას ამბობენ ახლობლები 32 წლის ქალზე, რომელიც Covid-19-ით გარდაიცვალა

32 წლის თათია ხურციძე Covid-19-ის დიაგნოზით კლინიკა "ჯერარსში" გუშინ, დილით გარდაიცვალა. კლინიკაში Ambebi.ge-ს განუცხადეს, რომ ახალგაზრდა ქალს თანმხლები დაავდებებიც ჰქონდა, თუმცა პაციენტის გარდაცვალებასთან ამას კავშირი არ აქვს.

"გარდაცვალების მიზეზი გახდა კორონავირუსით გამოწვეული სუნთქვის მწვავე უკმარისობა და პნევმონია. მას ჰქონდა თანმხლები დაავადებებიც, მაგრამ ამას არ გამოუწვევია მისი დამძიმება. გარდაცვალების მიზეზი კორონავირუსი გახდა", - აცხადებენ კლინიკა "ჯერარსში".

გარდაცვლილი ქალი თათია ხურციძეა. იგი ქუთაისში ქმართან და ორ მცირეწლოვან შვილთან ერთად ცხოვრობდა და ბიზნესსაქმიანობას ეწეოდა. ფლობდა სასტუმროს, სადაც საკუთარი ოჯახის წევრებთან ერთად მუშაობდა. კორონავირუსით გარდაცვლილი ქალის ნათესავი Ambebi.ge-სთან საუბარში ყვება, რომ თათიას ჯანმრთელობის მძიმე პრობლემები ჰქონდა, რომელსაც წლების განმავლობაში ებრძოდა, თუმცა მის სიცოცხლეს ამის გამო საფრთხე არ ემუქრებოდა.

"თათიასნაირი ადამიანები არ იბადებიან. იშვიათად კეთილი, მებრძოლი და თბილი ადამიანი იყო. ის არ შეუშინდა სიმსივნესაც, რომელსაც წარმატებით ებრძოდა. ჰორმონალური პრობლემებისგან გამოწვეული სიმსივნე ჰქონდა, ზუსტი დიაგნოზი არ ვიცი. დაინფიცირების წყარო უცნობია. ქუთაისში იყო, ვირუსი რომ დაუდგინდა, შემდეგ რომ დამძიმდა მისი მდგომარეობა, თბილისში გადავიყვანეთ. 17 ოქტომბრიდან მკურნალობდა კლინიკა "ჯერარსში". ბოლო დღეები აპატარზე იყო შეერთებული. ორი მცირეწლოვანი შვილი დარჩა. საშინლად განვიცდით ყველა. ისეთი ადამიანი იყო, ყველას უყვარდა", - ამბობს გარდაცვლილი ქალის ნათესავი.

"გულის უეცარი გაჩერებით გარდაიცვალა" - ჯანდაცვის სამინისტროს განცხადება ლაგოდეხში ინფიცირებული მამაკაცის გარდაცვალებაზე

ვინ არის "ოცნების" სიის 71-ე ნომერი, რომელმაც კომოს ტბაზე ქართველ მაღალჩინოსნებს უმასპინძლა - მილიონერი ბარვენაშვილის ოჯახი და ქონება

დავით ხვიბლიანი არ აპირებს უჩივლოს მათ, ვინც გაავრცელა ინფორმაციია, რომ ის ბანკზე თავდამსხმელის თანამზრახველია