ავტორი:

"ნაციონალური მოძრაობა" არჩევნების დღეს ხალხმრავალ შეკრებას გეგმავს" - რა წერილს ასაჯაროებს მერია

"ნაციონალური მოძრაობა" არჩევნების დღეს ხალხმრავალ შეკრებას გეგმავს" - რა წერილს ასაჯაროებს მერია

თბილისის მერია „ნაციონალური მოძრაობის“ მიერ გაგზავნილ წერილს საჯაროებს, რომლის თანახმად, პარტია 31 ოქტომბერს, პარლამენტის წინ, 12:00 საათიდან, 24:00 საათამდე შეკრების ორგანიზებას გეგმავს.

როგორც „ინტერპრესნიუსს“ თბილისის მერიაში განუცხადეს, პარტიის წერილი ცნობად მიიღეს.

მათივე განმარტებით, მითითებულ ლოკაციაზე 31 ოქტომბერს სხვა ღონისძიება დაგეგმილი არ არის.

„შეკრებისა და მანიფესტაციის შესახებ“ საქართველოს კანონით გათვალისწინებული წინასწარი გაფრთხილების მიზნებისათვის გაცნობებთ, რომ საარჩევნო ბლოკი - „ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშია“ 2020 წლის 31 ოქტომბერს, შაბათს, თბილისში, რუსთაველის გამზირზე მდებარე პარლამენტის სასახლის მიმდებარე ტერიტორიაზე აპირებს მშვიდობიან საჯარო შეკრებას, რამაც მონაწილეთა შესაძლო მნიშვნელოვანი რაოდენობის ზრდის გამო მაღალი ალბათობით გამოიწვევს ხალხისა და ტრანსპორტის სავალი ნაწილის მოძრაობის შეფერხება-შეჩერებას.

ამასთანავე, გაცნობებთ, რომ ახალი კორონავირუსის გავრცელების პრევენციასთან დაკავშირებით ორგანიზატორების მხრიდან მაქსიმალურად იქნება დაცული უსაფრთხოების ზომები, მათ შორის პირბადეებით უზრუნველყოფა და სადეზინფექციო ხსნარების გამოყენება“, - აღნიშნულია „ნაციონალური მოძრაობის“ მიერ მერიისთვის გაგზავნილ წერილში.

LIVE - ეთერშია გადაცემა "პოლიტNEWS"

"ნაციონალური მოძრაობა" არჩევნების მეორე ტურზე, საარჩევნო უბნებთან ე.წ. სირცხვილის კორიდორს აღარ მოაწყობს

"რამდენიმე დღეში ქვეყანაში იქნება არჩევნების მეორე ტური..." - პრემიერი პომპეოს ვიზიტს აჯამებს და ოპოზიციას მიმართავს