ტუნისელი მამაკაცი, რომელმაც ნიცაში, ნოტრ-დამის ტაძარში სამი ადამიანი მოკლა, ევროპაში რამდენიმე დღის წინ ჩამოვიდა - BBC

ტუნისელი მამაკაცი, რომელმაც საფრანგეთის ქალაქ ნიცაში 3 ადამიანი მოკლა, ევროპაში რამდენიმე დღის წინ ჩამოვიდა, - ამის შესახებ ინფორმაციას BBC-ი ავრცელებს.

გამოცემის ცნობით, 21 წლის ეჭვმიტანილს „წითელი ჯვრის“ იტალიის წარმომადგენლობის დოკუმენტი ჰქონდა, რომელიც გასულ თვეში, იტალიის კუნძულ ლამპედუზაში მიგრანტთა ნავით მისი ჩასვლის შემდეგაა გაცემული.

გავრცელებული ინფორმაციით, ეჭვმიტანილს სამართალდამცავებმა დაკავებისას ესროლეს და ის ამჟამად მძიმე მდგომარეობაშია.

საფრანგეთის ქალაქ ნიცაში, ნოტრ-დამის ტაძარში მომხდარი თავდასხმის შედეგად სამი ადამიანი დაიღუპა. საფრანგეთის პრეზიდენტმა ემანუელ მაკრონმა მომხდარი „ისლამისტურ ტერორისტულ თავდასხმად“ შეაფასა.