"უნდა მოხდეს ყველა სამთავრობო შენობის ბლოკირება, სადაც გაყალბების სქემები იწერება" - შალვა ნათელაშვილი

"ლეიბორისტული პარტიის" ლიდერი შალვა ნათელაშვილი თვლის, რომ ოპოზიციამ არჩევნების შედეგები არ უნდა აღიაროს. მისი თქმით, უნდა მოხდეს ყველა სამთავრობო შენობის ბლოკირება, სადაც "გაყალბების სქემები იწერება".

"მთელი მსოფლიო დავაყენოთ ფეხზე, უარი განვაცხადოთ არჩევნების შედეგების აღიარებაზე, მოვითხოვოთ ბათილად ცნობა და ხელახალია არჩევნები. მუდმივი უწყვეტი მიტინგები სანამ თუნდაც დავიხოცებოდეთ ვიდგეთ გარეთ, ხვალ სხვა ყველაფერი გვიანი იქნება. ბლოკირებაში უნდა იქნას აღებული ყველა სამთავრობო შენობა სადაც გაყალბების სქემები იწერება... არა მხოლოდ ცენტრალურ საარჩევნო კომისიაში", - თქვა შალვა ნათელაშვილმა.

ცნობისთვის, ცენტრალური საარჩევნო კომისიის წინასწარი მონაცემებით, „ქართულ ოცნებას“ ხმების 52,61%, „ ერთიან ნაციონალურ მოძრაობას“ - 24.22%, ხოლო „ევროპულ საქართველოს“ 3,98% აქვს.

ცესკოს ინფორმაციით, 3847 უბნიდან მონაცემები დათვლილია 1287 უბნის მიხედვით.

ხმები პარტიებს შორის ასე ნაწილდება:

„ქართული ოცნება – დემოკრატიული საქართველო“ – 52.61%

„ნაციონალური მოძრაობა – ძალა ერთობაშია“ – 24,22%

„ევროპული საქართველო“ – 3.98%;

„პატრიოტთა ალიანსი“ - 3.35%;

„სტრატეგია აღმაშენებლი“ – 2.72%;

„ლელო“ – 2.85%.

„გირჩი“ – 2.37%;