გაერთიანებულ სამეფოში კარანტინი მეორედ გამოცხადდა - რა შემთხვევაში შეძლებენ მოქალაქეები გარეთ გასვლას?

კორონავირუსის პანდემიის გამო გაერთიანებულ სამეფოში კარანტინი მეორედ გამოცხადდა. აღნიშნული განცხადება ქვეყნის პრემიერ-მინისტრმა ბორის ჯანსონმა გააკეთა. მისი თქმით, ახალი რეგულაციები ქვეყანაში 5 ნოემბრიდან 2 დეკემბრის ჩათვლით ამოქმედდება. მოსახლეობას სახლიდან გასვლის უფლება მხოლოდ სერიოზული მიზეზით შეეძლება როგორებიცაა სამსახური ან სწავლა.

ამასთან, გარეთ გასვლა ღია სივრცეში სავარჯიშოდ, ექიმთან წასასვლელად ან პროდუქტების შესაძენად იქნება ნებადართული. კარანტინის დროს მხოლოდ ის მაღაზიები განაგრძობენ მუშაობას, სადაც პირველადი საჭიროების პროდუქტები იყიდება. დანარჩენი დაწესებულებები, რესტორნები და პაბები ფუნქციონირებას ონლაინ სივრცეში განაგრძობენ.