"ივანიშვილი არის თაღლითი, მენტალურად საბჭოთა, გეოპოლიტიკურად რუსი, სოციალურად მდაბიო და პერსონალურად აფერისტი" - გიგი უგულავა
"ივანიშვილი არის თაღლითი, ისაა მენტალურად საბჭოთა, გეოპოლიტიკურად რუსი, სოციალურად მდაბიო და პერსონალურად აფერისტი", - ამის შესახებ "ევროპული საქართველოს“ ერთ-ერთმა ლიდერმა გიგი უგულავამ საქართველოს პარლამენტთან გამართულ აქციაზე სიტყვით გამოსვლისას განაცხადა.
მისი თქმით, "ქართულმა ოცნებამ“ არჩევნები მოიპარა. უგულავამ კვირას 15:00 საათზე გრანდიოზული აქცია დააანონსა.
"ივანიშვილის პროპაგანდისტულ საშუალებებზე ეწერა, რომ გარეჯი საქართველოა. დიახ, მეგობრებო, გარეჯი საქართველოა, მაგრამ ივანიშვილი არაა საქართველო. ივანიშვილი არის თაღლითი, ისაა მენტალურად საბჭოთა, გეოპოლიტიკურად რუსი, სოციალურად მდაბიო და პერსონალურად აფერისტი, მისი ადგილი არაა პოლიტიკაში.
რაც გუშინ გააკეთეს, ამას აკეთებდა ასლან აბაშიძე, ამას შევარდნაძეც კი არ აკეთებდა. ასლან აბაშიძე იღებდა და წერდა რაც უნდოდა, ზუსტად ეს იყო გუშინდელი არჩევნები. რაც გუშინ გააკეთეს, იყო ბოლო დონის მათხოვრობა. ამიტომ მეგობრებო, თუ არ გვინდა ამ უგვანო ადამიანმა 2030-მდე ჯიჯგნოს ქვეყანა, სწორი, შეჯერებული და მტკიცე ტაქტიკა იქნება საჭირო. ესაა თაღლითების ოცნება“, - განაცხადა უგულავამ.
"ანტიგმირის წლევანდელი ტიტულის ფლობაში პირველობას არავის უთმობს გუბაზ სანიკიძე, რომელმაც ყველაფერი იკადრა" - რას წერს ღია წერილში პოლიტიკაში წასული ელისო ბოლქვაძე?
ალეკო ელისაშვილი: "ამ უსინდისობებზე და ჭუჭყზე, რომ არიქა, მე ფული ავიღე და სადღაც შევრბივარ და შემოვრბივარ, სერიოზულ კომენტარს არ გავაკეთებ"
