73 წლის მამაკაცი, რომელიც ბათუმის რესპუბლიკური საავადმყოფოს მესამე სართულიდან გადავარდა, გარდაიცვალა

73 წლის მამაკაცი, რომელიც ბათუმის რესპუბლიკური საავადმყოფოს მესამე სართულიდან გადავარდა, გარდაიცვალა.

როგორც კლინიკის ექიმმა გია კიკაბიძემ „ინტერპრესნიუსს“ განუცხადა, ინფიცირებული მამაკაცის ჯანმრთლეობის მდგომარეობა კრიტიკულად მძიმე იყო, იგი რეანიმაციულ განყოფილებაში მკურნალობდა. ექიმის თქმით, პაციენტს გადმოვარდნის შედეგად მრავლობითი დაზიანები ჰქონდა, მას სასწრაფო ოპერაცია ჩაუტარდა, თუმცა ოპერაციის შემდეგ მალევე გარდაიცვალა.

ცნობისთვის, ბათუმის რესპუბლიკურ საავადმყოფოში კორონავირუსით ინფიცირებული 73 წლის მამაკაცი კლინიკის მესამე სართულიდან გუშინ გადავარდა. შემთხვევის მიზეზი უცნობია. პაციენტი კორონავირუსის გამო, თერაპიულ განყოფილებაში მკურნალობდა.