"ძალიან სუსტი თამაში გვქონდა. ფეხბურთელებმაც ვერ ითამაშეს, არ იყვნენ აშკარად მზად და მწვრთნელი საერთოდ ნოლი" - გიორგი ზურაბიშვილი
რადიოწამყვანი და სპორტული ჟურნალისტი გიორგი ზურაბიშვილი საქართველო-ჩრდილოეთ მაკედონიის მატჩის შედეგს "ფეისბუქის" პირად გვერდზე ეხმაურება:
"ერთი გადამწყვეტი თამაში როდესაც გაქვს სათამაშო და პრესინგის დროს ელემენტარულად არ იცი მეტოქის ნახევარზე ბურთი როგორ გადაიტანო, შეტევა დაიწყო, ამ დროს მწვრთნელი რაზე ფიქრობს ძალიან მაინტერესებს?! ზუსტად ევროპული დისციპლინით და პროფესიონალიზმით გვაჯობეს. ერთი შანსი გამოიყენეს და ზონები ისე გადაგვიკეტეს, ვერაფერი ვქენით. ძალიან სუსტი თამაში გვქონდა. ფეხბურთელებმაც ვერ ითამაშეს, არ იყვნენ აშკარად მზად და მწვრთნელი საერთოდ ნოლი. ასეთი თამაშით გასვლას არ ვიმსხურებდით! აქამდე ინდივიდების გაბრწყინების ხარჯზე ვფაფხურობდით და დღეს ისინიც არ გვყავდა. მეგონა რამე იდეა მაინც ექნებოდა მწვრთნელს და თამაშის რამე მონახაზი მაინც იქნებოდა. დასანანია...", - წერს გიორგი ზურაბიშვილი.
ცნობისთვის, საქართველო-ჩრდილოეთ მაკედონიის მატჩი ანგარიშით 0:1 დასრულდა. ჩრდილოეთ მაკედონიამ ევროპის ჩემპიონატის საგზური მოიპოვა. მატჩის ერთადერთი გოლი მატჩის მეორე ტაიმში მაკედონიელთა თავდამსხმელმა გორან პანდევმა გაიტანა.
საქართველოს ნაკრებს, კოვიდინფიცირების გამო, აკლდა ხვიჩა კვარაცხელია და ლევან შენგელია. ტრავმის გამო, თამაშში ვერ მონაწილეობდა გიორგი ქვილითაიაც.
შეგახსენებთ, რომ ევროპის ჩემპიონატი ფეხბურთში 2021 წლის ივნისში გაიმართება.
"ალეკო, შარზე თუ არ ხარ, ეს სისულელე როგორ უნდა გეთქვა?" - ბარამიძე ელისაშვილს სააკაშვილზე გაკეთებული განცხადების გამო აკრიტიკებს
"ჩემი ტრაგედია უსაზღვროა... კორონავირუსით გარდამეცვალა მამა, კოვიდით ვარ ძალიან ცუდათ მეც" - გიორგი ფანცულაია
