ქუთაისის ინფექციურ საავადმყოფოში კორონავირუსი 102 წლის ქალმა დაამარცხა. მოხუცი ხანდაზმულთა სახლში დაინფიცირდა. ის კლინიკაში ორი კვირის წინ შეიყვანეს.
კლინიკის სამედიცინო დირექტორის ნოდარ მაღლაფერიძის თქმით, პაციენტი თავს კარგად გრძნობს და ის კლინიკიდან ხვალ გაეწერება.
ამ დროისთვის, კლინიკაში 77 ინფიცირებული პაციენტი მკურნალობს, მათგან 2 კრიტიკულად მძიმეა.
იმერეთში ბოლო 24 საათის განმავლობაში კორონავირუსის 513 შემთხვევა გამოვლინდა.