ლუკაშენკოს მრისხანე პასუხი მომიტინგეებს - მინსკში გამართული აქცია სპეცრაზმმა რეზინის ტყვიებითა და ყუმბარებით დაშალა

მინსკში გამრთულ მორიგ მასობრივ გამოსვლებს ლუკაშენკოს სპეცრაზმა უმკაცრესად და მრისხანედ უპასუხა. ამჯერად პროტესტანტების დასაშლელად მათ ცრემლსადენი გაზი, რეზინის ტყვიები და შუქბგერითი ყუმბარები გამოიყენეს. სვეტლანა ტიხანოვსკაიას განცხადებით, არიან დაშავებულებიც.

Reuters-ის ინფორმაციით, დედაქალაქში მობილიზებული იყო პოლიციის სპეცმანქანები და წყლის ჭავლის ავტომობილები.

ადგილობრივი მედიის განცხადებით, სამართალდამცავებმა 50-ზე მეტი აქტივისტი დააკავეს.

მინსკის მილიცია დაკავებების შესახებ ინფორმაციას ადასტურებს. თუმცა, მათი რაოდენობის შესახებ კომენტარი არ გაუკეთებიათ.

აღსანიშნავია, რომ 12 ნოემბერს მინსკის საავადმყოფოში გარდაიცვალა ბელარუსის 31 წლის მოქალაქე რომან ბონდარენკო, რომელიც პოლიციამ სასტიკად სცემა.

ცნობისთვის, ბელარუსში საპროტესტო აქციები 9 აგვისტოს საპრეზიდენტო არჩევნების შემდეგ დაიწყო. მოსახლეობა ქვეყნის რეზიდენტ ალექსანდრე ლუკაშეკოს ბრალს არჩევნების გაყალბებაში სდებს და მის დაუყოვნებლივ გადადგომას ითხოვენ.