ანა შელიამ საფრანგეთში იმშობიარა - რატომ ვერ დაესწრო მის მშობიარობას მოდელი დედა (ფოტო)

13 ნოემბერს ანა შელიას საფრანგეთში Centre Hospitalier de Dax-Côte d'Argent კლინიკაში იმშობიარა. გოგონას ელი დაარქვეს და ის მოდელისა და მორაგბის პირველი შვილია.

ანა შელიამ და ლაშა ლომიძემ შარშან იქორწინეს. საქართველოს ეროვნული ნაკრების მე-8 ნომრისა და ცნობილი მოდელის სიყვარულის ისტორია რამდენიმე წელს ითვლიდა. სამოდელო კარიერა ანა შელიამ 14 წლის ასაკშ დაიწყო.

ის ჯერ თბილისის მოდის კვირეულზე გამოვიდა, შემდეგ კი თურქულ სამოდელო სააგენტოსთან Option Model Management ორწლიანი კონტრაქტი გააფორმა. თუმცა დაოჯახების შემდეგ ანას კარიერაში პაუზა აქვს. ლაშა ლომიძე ამჟამად ფრანგული "ბეზიერსის“ ღირსებას იცავს. წყვილი საფრანგეთში ცხოვრობს და ანამ მშობიარობის ბოლო თვეები სწორედ იქ გაატარა.

მოდელი ვეტერანი ფეხბურთელის მურთაზ შელიასა და მოდელ ლიკა კვარაცხელიას უფროსი ქალიშვილია. გამორჩეული გარეგნობის მოდელი, რომელიც არაჩვეულებრივად გამოიყურება ახლაც, ინსტაგრამზე ბებიის ამპუაში პირველად წერს:

"ეს 3,800 კგ ბედნიერება ჩვენთვის. ყველასთვის პირველი სიხარულია. ელი პირველია მშობლებისთვის, ბებია და ბაბუებისთვის, პირველი დის და ძმის შვილია, აგრეთვე პირველი შვილთაშვილია. ყველაზე მეტად ახლა მისი ჩახუტება და გაცნობა გვინდა და ვერც წარმოვიდგენდი რომ ასეთ დროს ვერ ვიქნებოდით ახლოს. თუმცა წინ ახალი გამოწვევებია, “ონლაინ” ბებიობის და იმედი მაქვს, რომ მე და ინგა (ლაშა ლომიძის დედა) კარგი "ონლაინ ბებიები" ვიქნებით. ძალიან დიდი მადლობა ასეთი თბილი მოლოცვებისთვის...“ - ვკითხულობთ ლიკას სტატუსში.

პანდემიის გამო ახალბედა ბებიამ შვილთან ჩასვლა ვერ მოახერხა. ანას დამოუკიდებლად უწევს დედობის პირველი ნაბიჯების გადადგმა უცხო ქვეყანაში.