ავტორი:

"პირველადი ინფორმაციით, ოფისში შეიარაღებული პირია შეჭრილი" - შსს-ს განცხადება წერეთელზე მიმდინარე სპეცოპერაციაზე

"პირველადი ინფორმაციით, ოფისში შეიარაღებული პირია შეჭრილი" - შსს-ს განცხადება წერეთელზე მიმდინარე სპეცოპერაციაზე

შინაგან საქმეთა სამინისტრო წერეთლის გამზირზე მიმდინარე სპეცოპერაციასთან დაკავშირებით განცხადებას ავრცელებს. უწყების ცნობით, პირველადი ინფორმაციით, მიკროსაფინანსო ორგანიზაციაში ერთი პირია შეჭრილი.

"პოლიცია მობილიზებულია თბილისში, აკაკი წერეთლის გამზირზე ერთ-ერთი მიკროსაფინანსო ორგანიზაციის ოფისთან. პირველადი ინფორმაციით ოფისში შეიარაღებული პირი არის შეჭრილი.

თავდასხმის შესახებ შეტყობინების მიღებისთანავე პოლიციის თანამშრომლებმა, მყისიერი რეაგირების რეჟიმში შემოსაზღვრეს შემთხვევის ადგილის მიმდებარე ტერიტორია. ამჟამად ადგილზე მობილიზებული სამართალდამცველები ატარებენ ყველა საჭირო და გადაუდებელ ღონისძიებას, ასევე მიმდინარეობს საგამოძიებო და ოპერატიული ღონისძიებები.

შინაგან საქმეთა სამინისტრო მოუწოდებს მედიის წარმომადგენლებს დაიცვან უსაფრთხოების ნორმები, თავი შეიკავონ როგორც უშუალოდ შემთხვევის ადგილზე მიმდინარე მოვლენების ტირაჟირებისგან, ასევე, გადაუმოწმებელი ინფორმაციის გავრცელებისგან.

ცეცხლსასროლი იარაღის მართლსაწინააღმდეგო შეძენა-შენახვა-ტარებას და ყაჩაღობას ფაქტზე გამოძიება სისხლის სამართლის სამართლის კოდექსის 236-ე და 179-ე მუხლებით დაიწყო."

საპატრულო პოლიციის უფროსის ინფორმაციით, მიკროსაფინანსო ორგანიზაციაში 9 მძევალია აყვანილი

"არც გაითვალისწინეს ის, რომ არასრულწლოვანები იყვნენ, დარჩენილი ცხოვრება ენგრეოდათ" - შაქარაშვილის საქმეზე მსჯავრდებულის ადვოკატი

შაქარაშვილის საქმეზე დაკავებულ არასრულწლოვნებს სასჯელი განესაზღვრათ