"ველოდებით, რომ მოხდება იმ თემების გათვალისწინება, რაც გვაწუხებს" - "ბიბლუსის" გენერალური დირექტორი
მნიშვნელოვანია ასეთი შეხვედრები, რადგან პირველ რიგში, ვიღებთ ინფორმაციას და მეორე რიგში, ვუზიარებთ ჩვენს მოსაზრებებს ერთმანეთს, შესაბამისად, რეალურად არის რეაგირება, - ამის შესახებ „ბიბლუსის" გენერალურმა დირექტორმა ირაკლი გაგნიძემ მთავრობის წევრებს, ეპიდემიოლოგებსა და ბიზნესსექტორს შორის დღეს პრემიერ-მინისტრის ხელმძღვანელობით გამართული შეხვედრის შემდეგ განაცხადა.
ირაკლი გაგნიძის თქმით, ერთობლივ მუშაობას უფრო მეტი შედეგი ექნება როგორც ეკონომიკისთვის, ისე ეპიდემიოლოგიური მდგომარეობისთვის.
"ამ ეტაპზეც გავაჟღერეთ რამდენიმე ინიციატივა, რაზეც იყო რეაგირება, ველოდებით, რომ მოხდება იმ თემების გათვალისწინება, რაც გვაწუხებს. საბოლოო ჯამში, რაც უფრო აქტიური იქნება ერთობლივი მუშაობა, უფრო მეტი შედეგი იქნება, როგორც ეკონომიკისთვის, ისე ეპიდ-ვითარებისთვის და შესაბამისად, უფრო კარგად განვითარდება მოვლენები", - განაცხადა „ბიბლუსის" გენერალურმა დირექტორმა ირაკლი გაგნიძემ.
"ტირილით ჩამოვიდა კლინიკიდან, რომელმაც არ მიიღო..." - ახალციხეში კორონავირუსით მამა-შვილი გარდაიცვალა
"ნახევარი საათითაც რომ შეგვზღუდონ, ეს "ლოქდაუნია" - რესტორატორთა ასოციაციის დამფუძნებელი
