როგორ შემსუბუქდება შეზღუდვები 24 დეკემბრიდან 2 იანვრამდე და რას შეეხება ცვლილება 16 იანვრიდან 31 იანვრამდე პერიოდში?

24 დეკემბრიდან 2 იანვრის პერიოდში შეზღუდვების შემსუბუქება მოხდება.

კერძოდ, მთავრობის გადაწყვეტილებით, ქვეყნის მასშტაბით:

• იმუშავებენ სავაჭრო ცენტრები, ღია და დახურული ბაზრობები;
• აღდგება როგორც მუნიციპალური, ისე - საქალაქთაშორისო ტრანსპორტის მუშაობა.

რაც შეეხება 3 იანვრიდან 15 იანვრის პერიოდს, ქვეყნის მასშტაბით გარკვეული ტიპის შეზღუდვა ისევ ბრუნდება.

კერძოდ:

• ცხადდება უქმე/დასვენების დღეები;
• აღდგება ყველა ის შეზღუდვა, რომელიც მოქმედებდა 28 ნოემბრიდან 24 დეკემბრამდე პერიოდში;
• არ მუშაობს საჯარო და კერძო დაწესებულება, გარდა ბანკებისა და სტრატეგიული მნიშვნელობის ობიექტებისა და სერვისებისა.

16 იანვრიდან 31 იანვრამდე პერიოდში ქვეყნის მასშტაბით:

• აღდგება მუნიციპალური და საქალაქთაშორისო ტრანსპორტის მუშაობა
• სავაჭრო ობიექტებისა და ღია და დახურული ბაზრობების მუშაობა (გარდა შაბათ-კვირისა)
• შაბათ-კვირას ტრანსპორტი, სავაჭრო ობიექტები და ბაზრობები აჩერებენ მუშაობას