"მომეცი, მომე, წავიყვან, ჩემთან წავიყვან" - რუსთავის მერის პასუხი აქციის მონაწილის კითხვაზე, თუ რა უნდა ჭამოს მისმა მცირეწლოვანმა შვილმა

რუსთავში გარემოვაჭრეებმა აქცია გამართეს, სადაც მთავრობის მიერ დაწესებული შეზღუდვები გააპროტესტეს. აქციის მონაწილეებმა გზა გადაკეტეს. "მთავარი" არხის ინფორმაციით, ადგილზე მივიდა რუსთავის მერი, ირაკლი ტაბაღუა.

მერს ე.წ. სტამბულის ბაზართან შეკრებილი მოსახლეობა ხმაურით შეხვდა.

შემოსავლის გარეშე დარჩენილმა ერთ-ერთმა გარემოვაჭრემ ტაბაღუას ჰკითხა, თუ რა უნდა ეჭამა მის მცირეწლოვან შვილს, რაზეც მერმა უპასუხა, რომ ბავშვს თავის სახლში წაიყვანდა.

"მომეცი, მომე, წავიყვან, ჩემთან წავიყვან", - უთხრა მერმა აქციის მონაწილეს.

ნახეთ ვიდეო: მთავარი არხი