ავტორი:

კიმ ჩენ ინმა კორონავირუსის საწინააღმდეგო ჩინური ვაქცინა გაიკეთა - რა ინფორმაციას ავრცელებს ამერიკელი ექსპერტი

კიმ ჩენ ინმა კორონავირუსის საწინააღმდეგო ჩინური ვაქცინა გაიკეთა - რა ინფორმაციას ავრცელებს ამერიკელი ექსპერტი

ჩინეთმა ჩრდილოეთ კორეის ლიდერს კიმ ჩენ ინს და მის ოჯახს კორონავირუსის ექსპერიმენტული ვაქცინა მიაწოდა, - Reuters-ის ინფორმაციით, ამის შესახებ ვაშინგტონში მდებარე „ეროვნული ინტერესის ცენტრის“ ექსპერტმა ჩრდილოეთ კორეის საკითხებში ჰარი კაზიანისმა სანდო წყაროზე დაყრდნობით განაცხადა.

მისი თქმით, კიმსა და ჩრდილოეთ კორეის რამდენიმე მაღალჩინოსანს კორონავირუსის საწინააღმდეგო ვაქცინაცია გაუკეთეს, თუმცა, ანალიტიკოსი აცხადებს, რომ უცნობია, კონკრეტულად რომელი პრეპარატი მიაწოდეს ჩრდილოეთ კორეის ლიდერს.

ჰარი კაზიანისი წერს, რომ კორონავირუსის საწინააღმდეგო ვაქცინაზე სულ ცოტა სამი ჩინური კომპანია მუშაობს, მათ შორის Sinovac Biotech-ი, CanSinoBio და Sinophram Group-ი.

ჩრდილოეთ კორეა კორონავირუსით ინფიცირების შემთხვევებს არ ადასტურებს, მაგრამ სამხრეთ კორეის ეროვნული დაზვერვის სამსახურის განცხადებით, ქვეყანას, იანვრის ბოლომდე, ანუ საზღვრის ჩაკეტვამდე, ჩინეთთან სავაჭრო და ხალხთაშორისი ურთიერთობები ჰქონდა, ამიტომ არ შეიძლება გამოირიცხოს, რომ ჩრდილოეთ კორეაში კორონავირუსის ეპიდემია გავრცელებულია.

პირველი ქვეყანა, სადაც კორონავირუსის საწინააღმდეგო ვაქცინამ ავტორიზაცია გაიარა - დიდ ბრიტანეთში მომდევნო კვირიდან ვაქცინაცია დაიწყება

სინგაპურმა ლაბორატორიაში შექმნილი ხორცის გაყიდვის ნებართვა გასცა

შვედეთში დააკავეს დედა, რომელსაც ვაჟი 3 ათწლეულის განმავლობაში სახლში ჰყავდა გამოკეტილი - "ფეხებზე წყლულები ჰქონდა და დასუსტებული იყო"