ნიუ-იორკში, მანჰეტენზე ხანძრის შედეგად, მე-19 საუკუნის ეკლესია დაიწვა

ნიუ-იორკში, მანჰეტენზე, მე-19 საუკუნეში აშენებულ ეკლესიაში ხანძარი გაჩნდა. BBC-ის ინფორმაციით, ცეცხლი თავდაპირველად ეკლესიის გვერდით შენობაში გაჩნდა, სადაც სარესტავრაციო სამუშაოები მიმდინარეობდა.

გამოცემის ცნობით ხანძარმა შენობის ძირითადი ნაწილი მნიშვნელოვნად დააზიანა. ცეცხლის ჩაქრობას ათობით მეხანძრე ცდილობდა, რა დროსაც ოთხმა მათგანმა სხეულის სხვადასხვა დაზიანება მიიღო.

ხანძრის გამომწვევი მიზეზის დასადგენად დაწყებულია გამოძიება.