ლაბიოპლასტიკა: ინტიმური პლასტიკის ერთ-ერთი ყველაზე დელიკატური და ფაქიზი ნიუანსები

გინეკოლოგმა და ინტიმური პლასტიკური ქირურგიის სპეციალისტმა, ესთეტიკური მედიცინის კლინიკა ნეო-ნეოს დამფუძნებელმა - ეკატერინე დარასელიამ, რომელსაც 15 წელზე მეტი ხნის გამოცდილება აქვს, ლაბიოპლასტიკის დეტალებზე და მიზეზებზე ისაუბრა. თუ რა არის თანამედროვე ქალებში ამ პროცედურის ესთეტიკური მრავალფეროვნებისა და პოპულარობის მიზეზები.

როგორ ფიქრობთ, რა არის ლაბილაპლასტიკის პროცედურისადმი ინტერესის ზრდის მიზეზი?

- ამ ოპერაციის არსებობისა და განხორციელების შესაძლებლობის შესახებ, უკვე ფართოდ გახდა ცნობილი. ადრე, ბევრი ქალი არ იყო ინფორმირებული მსგავსი შესაძლებლობის არსებობის შესახებ, მაგრამ ბევრ მათგანს ყოველთვის სურდა ასეთი პროცედურა. ბოლო წლების განმავლობაში ქალის ცხოვრების წესი შეიცვალა. ძალიან პოპულარული გახდა ფიტნესი, იოგა, სავარჯიშო დარბაზი. სწორედ ამ აქტივობების დროს, ქალების გარკვეულ ნაწილს ფიზიკურ დისკომფორტს უქმნის დიდი ზომის მცირე სასირცხო ბაგეები. გარდა ამისა, შეიძლება მოხდეს საკუთარი თავის შედარება სხვებთან,თუნდაც საერთო საშხაპეში, საუნაში.

შეიცვალა ქალის თეთრეულიც. ახლა უფრო მჭიდრო საცვლებს იცვამენ. ასეთი საცვლების, ისევე როგორც მჭიდრო ჯინსის ტარებისას, პაციენტები შეიძლება განიცდიდნენ დისკომფორტს დიდი სასირცხო ბაგეების გამო. ეს ყველაფერი კი ამ ოპერაციისადმი ინტერესს იწვევს.

გარდა ამისა, ქალები თითქოს უფრო მკაცრები გახდნენ მათი სხეულის ყველა დეტალის ესთეტიკურობის მიმართ, მათ შორის სხეულის ინტიმური ადგილების მიმართაც და თუ ადრე მსგავსი პლასტიკური ქირურგია რთულად ხელმისაწვდომი ოპერაცია იყო, ახლა ყველაფერი შეიცვალა. ქალებს უბრალოდ სურთ გააუმჯობესონ სხეულის ის უბანი, რომელსაც ისინი პრობლემურად თვლიან.

არსებობს ამ საკითხში რაიმე "სილამაზის სტანდარტი"? როგორც მკერდის ქირურგიაში, მაგალითად. რისკენ ისწრაფვიან თქვენი პაციენტები, რისი მიღება სურთ?

- ამ საკითხში არ არსებობს სილამაზის სტანდარტი. ყველაფერი ნორმის ფარგლებშია. თუ სტანდარტებს განვიხილავთ, მაშინ არც ფერწერაში და არც ქანდაკებებში არ ყოფილა სტანდარტი.

არსებობს მოსაზრება, რომ მცირე სასირცხო ბაგეები არ უნდა გამოდიოდეს დიდ სასირცხო ბაგეებს გარეთ და იყოს გარკვეული სიგრძის, რომ ეს არის ერთგვარი პათოლოგია, სინამდვილეს არ შეესაბამება. თუ დისკომფორტს არ განიცდით, მცირე სასირცხო ბაგეების ნებისმიერი სტრუქტურა ყოველთვის არის ნორმის ვარიანტი.

სხვა საქმეა, თუ გარკვეულ შემთხვევებში არსებობს ფიზიკური დისკომფორტი, ან არის ესთეტიკური უკმაყოფილება. არცთუ ხშირად, მაგრამ ხდება: ქალბატონი მოდის და სურს შეცვალოს მცირე სასირცხო ბაგეების ფორმა, მაგრამ მას წარმოდგენა არ აქვს, ზუსტად როგორ. კითხვაზე:- როგორ ხედავთ ოპერაციის შედეგს? ის პასუხობს: თქვენი შეხედულებისამებრ. ჩემი შეხედულებისამებრ კი, მისი სასირცხო ბაგეები უკვე ნორმაა! სავარძელზე მე შემიძლია პაციენტს ვაჩვენო ის, რაც აბსოლუტურად არ უნდა გაკეთდეს, რომ მგრძნობელობა არ შემცირდეს, ან ბარიერის ფუნქცია არ დაკარგოს.

ამასთან, თუ ქალს განზრახ სურს შეცვალოს რამე, მე ისე გავაკეთებ, როგორც მას სურს, რა თქმა უნდა, სამედიცინო სტანდარტების შესაბამისად. ქალმა ხომ ამით უნდა იცხოვროს მომავალში. მე ვერ მოვახვევ თავს ჩემს პირად ესთეტიკურ აღქმას.

თავად ურჩევთ პაციენტს რამეს? და როგორ რეაგირებთ, თუ სურთ „ყველაფრის“ მოჭრა?

- დანამდვილებით შემიძლია გითხრათ, რომ "ყველაფერს" არ მოვჭრი, რადგან ასეთ შემთხვევაში ესთეტიკური ლაბიოპლასტიკა „დამახინჯების“ ოპერაციად გადაიქცევა. მყავდა პაციენტი, რომელსაც სურდა რომ „იქ“ ყველაფერი ბარბის თოჯინასავით ყოფილიყო. ასეთ შემთხვევებში უარს ვამბობ. ასეთ პაციენტებს ვეუბნები ესთეტიკის გარდა, მნიშვნელოვანია, რომ ოპერაციას არ ჰქონდეს უარყოფითი შედეგები სასქესო ორგანოების ფუნქციონირებაზე! ისე რომ თქვენი მგრძნობელობა არ შემცირდეს და დამცავი ბარიერი არ დაქვეითდეს. თუ თქვენ "ყველაფერს" მოიჭრით, მომავალში ეს ქრონიკული ინფექციებით ან საშოს ლორწოვანის სიმშრალით / სისხლდენით დამთავრდება და ეს პრობლემა მთელი ცხოვრების განმავლობაში გაგყვებათ.

პროცედურა მტკივნეულია? გართულებების რისკი მაღალია?

- ლაბიოპლასტიკა ტარდება ადგილობრივი ანესთეზიის ქვეშ, რასაც მრავალი უპირატესობა აქვს ზოგადი ანესთეზიისგან განსხვავებით. ეს ოპერაცია არ არის გულის გადანერგვა, რომ ზოგადი ანესთეზია დაგჭირდეთ. ლაბიოპლასტიკის შემდეგ პირველ დღეს შეიძლება იყოს გარკვეული ტკივილი, ამიტომ ჩვენ გირჩევთ, დალიოთ ტკივილგამაყუჩებელი. მეორე დღეს, ამგვარი ზომების მიღება, როგორც წესი, აღარ არის საჭირო. ასევე რეკომენდებულია ოპერაციის შემდეგ პირველ დღეებში ნაკლებად აქტიური იყოთ - ეს გამორიცხავს პოსტოპერაციული შეშუპების ზრდას და რეაბილიტაცია უფრო სწრაფი იქნება. თუ დაიცავთ სათანადო მოვლას (ანტისეპტიკური საშუალებით დამუშავება დღეში 10-15-ჯერ) და დაისვენებთ, მაშინ არანაირი გართულება არ გექნებათ.

რა შესაფერისი მეთოდებით ტარდება ლაბიოპლასტიკა?

- ქირურგიული კლიშე (რომელზეც ახლა ახალბედა ქირურგებს უყვართ საუბარი) ნამდვილად არ არსებობს. თითოეულ ქალს აქვს საკუთარი ინდივიდუალური სტრუქტურა, შესაბამისად, ქირურგიული ტაქტიკა ინდივიდუალური უნდა იყოს. თქვენ არ შეგიძლიათ გამოიყენოთ მხოლოდ ერთი, ან სხვა ტექნიკა. ზოგჯერ, ერთ ოპერაციაში რამდენიმე ტექნიკის კომბინაციაც კი გამოიყენება.

ჩემი მრავალწლიანი გამოცდილების საფუძველზე, გამოკვლევის დროს პაციენტს ვაჩვენებ, როგორ და სად გაივლის ჭრილობის ხაზი, რისი გაკეთება შეიძლება მისი ანატომიის თავისებურებების გათვალისწინებით და როგორ მიიღწევა მაქსიმალურად სასურველი შედეგი.

როგორი ნაკერები გამოიყენება?

- მსგავსი ოპერაციისას გამოიყენება გაწოვადი ნაკერები. მას უწოდებენ "ვიკრილს". იგი კარგად აღიქვამს ქსოვილებს და გაიწოვება გარკვეული დროის შემდეგ (ჩვეულებრივ, ოთხი კვირის შემდეგ).

არის ადგილები, სადაც ძაფები არ იშლება - შემდეგ მე -14 დღეს პაციენტი მოდის ქირურგთან ნაკერების ამოსაღებად. ამის წყალობით, ოპერაციის კვალი აღარ რჩება.

რამდენი ხანია ლაბილაპლასტიკის შემდეგ გამოჯანმრთელების პერიოდი? რამდენად სწრაფად შეგიძლიათ დაუბრუნდეთ ჩვეულ ცხოვრებას? რა დრო სჭირდება ოპერაციის შედეგის შეფასებას?

გამოჯანმრთელების პერიოდი გრძელდება დაახლოებით სამი კვირა. ნაკერების ნარჩენების მოცილების შემდეგ, დაახლოებით ერთ კვირაში იხსნება ყველა შეზღუდვა, მათ შორის სექსუალურ ცხოვრებაზე.

რაც შეეხება ყოველდღიურ საქმიანობას, ოპერაციის დასრულების შემდეგ, პირველი დღე უკეთესია გაატაროთ სახლში და ერთი ან ორი დღის შემდეგ უკვე შეგიძლიათ სამსახურში, ან სასწავლებელში წასვლა. სამ კვირაში შეგიძლიათ ნახოთ ოპერაციის პირველადი შედეგი, საბოლოო კი უნდა შეფასდეს ორი-სამი თვის შემდეგ. ეს აუცილებელია იმისთვის, რომ გამოირიცხოს შესაძლო ფარული შეშუპება და ამ ხნის განმავლობაში ბაგეები უკვე მიიღებენ საბოლოო სახეს.

რას ფიქრობთ ლაზერული ლაბიაპლასტიკის შესახებ?

- ტერმინი "ლაზერული ლაბიოპლასტიკა" ახლა ძალიან მოდურია. ადრე,წლების წინ, მე ვიყენებდი ქირურგიულ CO2 ლაზერს სხვადასხვა გინეკოლოგიური ოპერაციების ჩასატარებლად, ლაბიოპლასტიკის ჩათვლით. ლაზერული ტექნიკისას მე წავაწყდი ჭრილობის შეხორცების პრობლემას. შედეგების საკმარისი ნიმუშებით, მე მივედი დასკვნამდე, რომ მცირე სასირცხო ბაგეებზე ლაზერული სხივით გამოწვეული დამწვრობის ზედაპირის შეხორცება უფრო რთულად მოხდება, ბაგეების ლორწოვანი გარსისა და კანის თავისებური ქსოვილების გამო.

ამიტომ უარი ვთქვი ამ ტექნიკაზე, თუმცა ლაზერი მრავალი სხვა ოპერაციისთვის აუცილებელი აღმოჩნდა. ხშირად ტერმინს "ლაზერული ლაბიოპლასტიკა" მარკეტინგულ ხრიკად იყენებენ და ბევრ ქირურგს ჯერ კიდევ "საკმარისად არ უთამაშია" ამით, ქირურგიისთვის ლაზერი ძალზე მოსახერხებელია - ოპერაცია უსისხლოა და მხოლოდ 15 წუთი გრძელდება. ამიტომ, თუ ჩვენ სასწორზე გვაქვს: ესთეტიკური შედეგი პაციენტისთვის და ქირურგისთვის მოხერხებულობა, მაშინ პირველი ვარიანტი, რა თქმა უნდა, უფრო მნიშვნელოვანია.

ჩემი როგორც ქალის და შემდგომში როგორც გინეკოლოგის აზრით, ყველა ქალი ამ არჩევანისა და სურვილის წინაშე უნდა იყოს თავისუფალი და ნებისმიერი ქალის სურვილი შეცვალოს რაიმე საკუთარ გარეგნობაში, თუნდაც ინტიმურ ზონებში, უნდა იყოს მხოლოდ მისი ინდივიდუალური გადაწყვეტილება და ეს არ უნდა ხდებოდეს გარემოპირობებიდან გამომდინარე, თუნდაც პარტნიორის სურვილიდან გამომდინარე. ესთეტიკური გინეკოლოგია კი საუკეთესო საშუალებაა ქალებისთვის დაამარცხონ საკუთარი თუნდაც მცირე კომპლექსები, მოიშორონ დისკომფორტი და რაც უმნიშვნელოვანესია გაიზარდოს მათი თვითშეფასებისა და სექსუალური ცხოვრების ხარისხი.

ეკატერინე დარასელია