ავტორი:

საკუთარი პოლიცია, გოლფის კლუბი, კერძო სანაპირო - თეთრი სახლის შემდეგ ივანკა ტრამპი "მილიონრების ბუნკერში" ცხოვრებას გეგმავს (ფოტოები)

საკუთარი პოლიცია, გოლფის კლუბი, კერძო სანაპირო - თეთრი სახლის შემდეგ ივანკა ტრამპი "მილიონრების ბუნკერში" ცხოვრებას გეგმავს (ფოტოები)

მას შემდეგ, რაც დონალდ ტრამპმა აშშ-ის საპრეზიდენტო არჩევნებში ვერ გაიმარჯვა, მედია ინტერესდება იმით, თუ სად იცხოვრებენ ტრამპები თეთრი სახლის შემდეგ. pagesix.com-სთვის ექსკლუზიურად გახდა ცნობილი, რომ დონალდის 39 წლის ქალიშვილმა და მისმა მეუღლემ ფლორიდაში, Indian Creek Island-ზე 30-მილიონ დოლარად შეიძინეს მიწის ნაკვეთი, სადაც სასახლის აშენებას და სწორედ იქ ცხოვრებას გეგმავენ.

ეს არის კუნძული, რომელსაც "მილიონრების ბუნკერს" უწოდებენ, რადგანაც ამ ადგილას მხოლოდ უმდიდრესი ადამიანები ცხოვრობენ და ის სუპერდაცულობით გამოირჩევა.

გამოცემა წერს, რომ მას შემდეგ, რაც დონალდ ტრამპი საპრეზიდენტო არჩევნებში დამარცხდა, ივანკა ტრამპი დაკავებულია ცხოვრების სამომავლო გეგმებით და მან არაერთი უძრავი ქონება ნახა მაიამიში, თუმცა საბოლოოდ არჩევანი მსოფლიოს ყველაზე უსაფრთხო და მდიდრულ კუნძულზე შეაჩერა.

კუნძულს ჰყავს საკუთარი 13-კაციანი პოლიცია და იქ განთავსებულია 34 საცხოვრებელი რეზიდენცია. მედიის ცნობით, ივანკა ტრამპმა და ჯარედ კუშნერმა ის ადგილი იყიდეს, რომელიც ხულიო იგლესიასს ეკუთვნოდა. ქონების ზუსტი ფასი 31,8 მილიონი დოლარია, წლის განმავლობაში კი მათ გადასახადების სახით 472 764 დოლარის გადახდა მოუწევთ.

ხიდი, რომლითაც კუნძული ხმელეთს უკავშირდება

ამ კუნძულის ამჟამინდელ და ყოფილ მაცხოვრებლებს შორის არიან ხულიო იგლესიასი, მილიარდერი კარლ იკანი, ნორმან ბრემანი, ადრიანა ლიმა, მილიონერი ჯეფ სოფერი, რიკი მარტინი.

ეს რიკი მარტინის სახლია, რომელიც კუნძულზე ყველაზე მოკრძალებულად გამოიყურება, აღსანიშნავია, რომ ამ ეტაპზე მომღერალი აქ აღარ ცხოვრობს

კუნძულზე მდებარე ყველა სახლიდან თვალწარმტაცი ხედი იშლება. მოწყობილია გოლფის მოედანი. კუნძულის მცხოვრებლებს ჰყავთ ცალკე პოლიცია, რომელიც მკაცრად აკონტროლებს, თუ ვინ შედის. იქ მოხვედრის შესაძლებლობა სპეციალური ნებართვის გარეშე არავის აქვს.

კუნძულზე მოხვედრა ავტომობილითაც არის შესაძლებელი, ხმელეთს ის ულამაზესი ხიდით უკავშირდება.

აღმოსავლეთ ევროპის ქვეყნებში ბოლო 30 დღეში ინფიცირების ყოველდღიური მაჩვენებელი 31%-ით შემცირდა - რას წერს Reuters-ი

მასშტაბური ავარია ტეხასში - ერთმანეთს 130-ზე მეტი ავტომობილი შეეხაჯა, გარდაიცვალა 6 და დაშავდა ათობით ადამიანი (ფოტოები)

"ბიოტერორიზმი და კლიმატის ცვლილება სამომავლოდ მთავარი გამოწვევა იქნება" - ბილ გეითსი საზოგადოებას აფრთხილებს