"ჩვენ ვართ ბოიკოტის და ამავე დროს მოლაპარაკებების რეჟიმში" - რა განაცხადა ხათუნა სამნიძემ მისი და თამარ კორძაიას პარლამენტში შესაძლო შესვლაზე?
როგორც ცნობილია, მე - 10 მოწვევის პარლამენტი ზეგ, 11 დეკემბერს შეიკრიბება. რამდენიმე დღეა, მითქმა-მოთქმა არ წყდება იმის თაობაზე, მოხერხდება თუ არა შეთანხმების მიღწევა ხელისუფლებასა და ოპოზიციას შორის, რომლის შედეგადაც ოპოზიცია ბოიკოტზე უარს იტყვის. 8 დეკემბერს გავრცელდა ინფორმაცია, რომ 7 ოპოზიციონერი პოლიტიკოსი აპირებდა საკანონმდებლო ორგანოში შესვლას, მათ შორის ალეკო ელისაშვილი და გიორგი ვაშაძეც. მოგვიანებით, ითქვა ისიც, რომ თითქოს პარლამენტში შესვლას გეგმავდნენ ბლოკ “ერთიანი ნაციონალური მოძრაობა - გაერთიანებული ოპოზიცია “ძალა ერთობაშია” სიით გასული რესპუბლიკური პარტიის წევრები ხათუნა სამნიძე და თამარ კორძაია. ამ ინფორმაციის შესამოწმებლად დავუკავშირდით ქალბატონ ხათუნა სამნიძეს:
"მიდის მოლაპარაკებები და ვიდრე ეს ფაზა არ დასრულდება, არა თუ მე, არც ერთი ოპოზიციონერი არ შედის პარლამენტში. ჩვენ ვართ ბოიკოტის და ამავე დროს მოლაპარაკებების რეჟიმში. იგივე თქვა ალეკო ელისაშვილმაც, ვიდრე მოლაპარაკებები არ დასრულდება, არავინ აპირებს პარლამენტში შესვლას. მესმის, ყველას აინტერესებს, დრო რომ გაიწელა, მაგრამ ასეა”.
"სახლში მზეთუნახავი ჰყავს რომ უთვალთვალებენ, თუ რატომ არის გაღიზიანებული?!" - თეა წულუკიანი ნიკა გვარამიაზე
"ჰგონიათ, რომ კელი დეგნანს გააგდებენ და იმას მოიყვანენ, ვინც "ნაცმოძრაობას" ჩაეხუტება და მიშას დააბრუნებს?"- რას ემსახურება დასავლელ პარტნიორებზე ბოლოდროინდელი თავდასხმები?
