როგორია შსს-ს დაჭრილი თანამშრომლის ჯანმრთელობის მდგომარეობა - დაკავებული პოლიციის ყოფილი თანამშრომელია

შსს-ს ანალიტიკური დეპარტამენტის მოქმედი თანამშრომელი, 55 წლის გიორგი მეტრეველი დაჭრეს, სასწრაფო დახმარების ჯგუფმა ალადაშვილის კლინიკაში ის 12 დეკემბერს ღამით 1:00 საათზე შეიყვანა. "ტვ პირველის" ინფორმაციით დაჭრილს შეყვანისთანავე ჩაუტარდა გადაუდებელი ოპერაცია, ექიმების თქმით, 55 წლის მეტრეველს 4 ჭრილობა ცეცხსასროლი იარაღით აქვს მიყენებული.

მეტრეველს ერთი ოპერაცია უკვე ჩაუტარდა, ახლა კი კიდევ ერთი ოპერაციისთვის ამზადებენ. მედიკოსთა ცნობით, მამაკაცის ჯანმრთელობის მდგომარეობა სტაბილურად მძიმეა და იმყოფება ინტენსიური თერაპიის განყოფილებაში.

გიორგი მეტრეველის მკვლელობის მცდელობის ბრალდებით სამართალდამცველებმა უკვე დააკავეს 65 წლის პოლიციის ყოფილი თანამშრომელი, მას გამოძიება განზრახ მკვლელობის მცდელობასა და ცეცხლსასროლი იარაღი მართლსაწინააღმდეგოდ გამოყენებას ედავება