"მისთვის ახლა ბევრი ლაპარაკი არ შეიძლება" - კახი კავსაძემ კორონავირუსი დაამარცხა, როგორია მსახიობის ჯანმრთელობის მდგომარეობა?

28 ნოემბერს კორონავირუსით ინფიცირების დიაგნოზით ყველასთვის საყვარელი მსახიობი კახი კავსაძე პირველ საუნივერსიტეტო კლინიკაში მოათავსეს. მსახიობის მდგომარეობა მძიმე იყო და რამდენიმე დღის განმავლობაში ხელოვნური სუნთქვის აპარატს საჭიროებდა. როგორც ambebi.ge-სთვის გახდა ცნობილი 14 დეკემბერს მსახიობმა კლინიკა დატოვა. კახი კავსაძე ვირუსისგან განიკურნა, თუმცა, როგორც მსახიობის ძმა იმერი კავსაძე გვითხრა, ჯერჯერობით ეს მხოლოდ პირველი ნაბიჯია.

იმერი კავსაძე:

"კახი გუშინ გამოწერეს კლინიკიდან და უკვე სახლშია. ამ ეტაპზე პირველი ნაბიჯი გადადგმულია, ახლა ღმერთი იქნება ჩვენი დამხმარე. კახისთვის ახლა ბევრი ლაპარაკი არ შეიძლება, სიმშვიდეში უნდა იყოს. როგორც იცით, მეც მქონდა კორონავირუსი და პირველმა მე დავამარცხე. გავუფრთხილდეთ ერთმანეთს, რადგან ჯერ არ ვიცით, უბრალოდ მოვიხადეთ ეს სენი თუ ბოლომდე დამარცხდა ვირუსი. ჩვენ ახლა ღმერთის იმედი გვაქვს".