ავტორი:

"დღევანდელი საქციელისთვის კი გულწრფელი მადლობა!" - პაატა ბურჭულაძე კახა კალაძეს მიმართავს

"დღევანდელი საქციელისთვის კი გულწრფელი მადლობა!" - პაატა ბურჭულაძე კახა კალაძეს მიმართავს

ფონდ "იავნანას" დამფუძნებელი, ცნობილი საოპერო მომღერალი პაატა ბურჭულაძე თბილისის მერს კახა კალაძეს მიმართავს და აფრიკის დასახლებაში, შენობების დემონტაჟის დროს, ფოტოგრაფის მიერ გადაღებული მამა-შვილისთვის საცხოვრებელი ბინის ჩუქების გამო გულწრფელ მადლობას უხდის.

"დღევანდელი საქციელისთვის კი გულწრფელი მადლობა!" - წერს პაატა ბურჭულაძე და აღნიშნავს, რომ "ქართული ოცნება" თანდათან გონს მოდის.

"როგორ მესიამოვნა!

ქალაქის მერმა ამ ოჯახს ბინა აჩუქა! თანდათან მოდის "ოცნება" გონს და მართალია მხოლოდ სურათზე, მაგრამ მაინც კარგია, რომ დაინახა თუ როგორ ცხოვრობს ხალხი. მან გუშინ ორი მნიშვნელოვანი განცხადება გააკეთა:

რომ თურმე ხელოვნება საჭირო ყოფილა და რომ მრავალშვილიანი ოჯახები თურმე საჭიროებენ დაუყოვნებლივ დახმარებას.

პატივცემულო მერო, ეხლა მიხვდით რა ბედნიერება ყოფილა უანგარო სიკეთის გაკეთება, რომელიც თქვენი უფროსისთვის სიამოვნების მისანიჭებლად ოთხი წელია შეუჩერეთ ქართველ ხალხის უდიდეს ნაწილს და ფონდ "იავნანას".

არაუშავს!

სჯობს გვიან ვიდრე არასდროს!

დღევანდელი საქციელისთვის კი გულწრფელი მადლობა!" - წერს პაატა ბურჭულაძე.

შეგახსნებთ, თბილისის მერი კახა კალაძე მამა-შვილს, რომლის ფოტომ სოცილური ქსელი მოიცვა, ბინა აჩუქა.

"ქველმოქმედება დასაფასებელია, თუმცა ბავშვების იდენტიფიცირება, ვისაც ვეხმარებით, ბევრ პრობლემას იწვევს" - რას წერს სახელმწიფო ინსპექტორი?

დღის ფოტო: ჯულიეტა ვაშაყმაძეს შვილიშვილი ბარბარე უკანასკნელ გზაზე მიაცილებს

"2-3 დღის 24-საათიანი მორიგეობის შემდეგ, შინ მიმავალი ასე ვიტანჯებოდით და ვცდილობდით, ნახევარი საათი როგორმე წაგვეძინა" - რა ვიდეოს აქვეყნებს გარდაცვლილი 24 წლის ექიმის მეგობარი