"დაგვიანებული მკურნალობის გამო გარდაიცვალა, არანაირი თანმდევი დაავადება არ ჰქონია" - ფოთში კოვიდით გარდაცვლილი 32 წლის მამაკაცის ოჯახი ექიმებს ადანაშაულებს
ფოთში კორონავირუსით გარდაცვლილი 32 წლის მამაკაცის ოჯახი წევრები ექიმებს გულგრილობასა და უყურადღებობაში ადანაშაულებენ. მათი თქმით, თავდაპირველად ახალგაზრდა მამაკაცი შეკვეთილში მდებარე კოვიდ მიმღებ სასტუმრო „მირაჟში“ იმყოფებოდა, სადაც მათივე თქმით, სათანადო მკურნალობა არ ჩაუტარდა, რის გამოც მისი მდგომარეობა დამძიმდა. პაციენტი მოგვიანებით რუხის კოვიდ კლინიკაში გადაიყვანეს, სადაც დღეს დილით გარდაიცვალა.
„უყურადღებობით და დაგვიანებული მკურნალობის გამო გარდაიცვალა. მას არანაირი თანმდევი დაავადება არ ჰქონია. მას კოვიდ მიმღებ სასტუმროში არანაირი მკურნალობა არ უტარდებოდა. ტესტის პასუხიც დაგვიანდა და დროულად არ გაუკეთდა კატე. ყოველივე ამან გამოიწვია ის, რა შედეგიც გვაქვს,“ - აცხადებს გარდაცვლილი მამაკაცის ოჯახის ახლობელი.
კოვიდ მიმღებ სასტუმროში ოჯახის ბრალდებებს უსაფუძვლოს უწოდებენ. როგორც სასტუმროში აცხადებენ, პაციენტი თავს კარგად გრძნობდა. ჯერჯერობით უცნობია, თუ რატომ გართულდა მისი მდგომარეობა.
საქართველოში კორონავირუსით კიდევ 51 პაციენტი გარდაიცვალა
ბათუმში ავტომობილი ტროტუარზე გადავიდა და მაღაზიას შეეჯახა - დაშავებულია სამი ადამიანი
