საახალწლო განათების სანახავად გამოსული მოქალაქეები და კილომეტრიანი საცობი რუსთაველზე - ფოტო "ფეისბუქიდან"
თბილისის ცენტრალური გამზირი რამდენიმე საათის განმავლობაში გადატვირთული იყო. რუსთაველის გამზირზე რამდენიმე საათი ავტომობილები კილომეტრიან საცობში იდგნენ.
როგორც ცნობილია, დედაქალაქში წუხელ საახალწლო განათებები ჩაირთო და მოქალაქეებმა დათვალიერება დღესვე გადაწყვიტეს, რამაც მოძრაობა შეაფერხა. ადგილზე სიტუაციას პოლიციელები აკონტროლებდნენ.
რუსთაველის გამზირზე გადაღებული ფოტო "ფეისბუქის" ჯგუფ Spend 4 Seasons in Georgia-ში გავრცელდა, რომელსაც უამრავი ადამიანი გამოეხმაურა. ფოტოს ავტორი ezz gaber-ია, რომელიც ჯგუფში თბილისში გადაღებულ ულამაზეს ფოტოებს ხშირად ავრცელებს:
"ესე ათვალიერებს ხალხი რა ქნან ..."
"ბავშვების გაყვანა მინდა მარა იმდენი ხალხიაო ჩემმა მეუღლემ სჯობს მანქანით გაგატაროთო"
"რა ხდება და ხალხი მანქანით გავიდა რუსთაველზე, რომ ნახონ სილამაზე და ცოტა ხასიათი გამოიკეთონ... ვისაც არ სურს ნუ გავა, რა პრობლემაა? მანქანითაც ვერ უნდა გახვიდე ადამიანი... რისთვის გაანათეს და დაკიდეს აბა ეს ყველაფერი.. "
"მეც აქ ვიყავი 19: 17 წუთზე ძლიიივს გამოვედით სამშვიდობოს!!!! "
"კი, ზუსტად ასეთი ამბავი იყო 1 საათის წინ ქაშვეთში ვიყავი და ჯერ ხომ ძლივს დავპარკინგდი და მერე ზღვა ხალხმა ნაძვისხესთან შოკში ჩამაგდო" - წერდნენ ფოტოს კომენტირებისას მოქალაქეები.
ცნობისთვის, დედაქალაქის მერმა კახა კალაძემ განაცხადა, რომ თბილისში საახალწლო განათებები გადაადგილების შეზღუდვის დროსაც არ გამოირთვება.
როგორც კალაძემ „ფეისბუქის“ პირდაპირ ეთერში განაცხადა, მას ბევრმა მოქალაქემ მიმართა შესაბამისი თხოვნით, რომელიც გათვალისწინებული იქნება. ამასთან, კალაძე აღნიშნული გადაწყვეტილების მიზეზებს განმარტავს.
"ქველმოქმედება დასაფასებელია, თუმცა ბავშვების იდენტიფიცირება, ვისაც ვეხმარებით, ბევრ პრობლემას იწვევს" - რას წერს სახელმწიფო ინსპექტორი?
დღის ფოტო: ჯულიეტა ვაშაყმაძეს შვილიშვილი ბარბარე უკანასკნელ გზაზე მიაცილებს
