რეჟისორი დავით ანდღულაძე გარდაიცვალა

რეჟისორი დავით ანდღულაძე 64 წლის ასაკში გარდაიცვალა. ინფორმაციას, ოჯახის ახლობლებზე დაყრდნობით, "პირველი არხი" ავრცელებს.

დავით ანდღულაძე 1982-1985 წლებში საქართველოს ტელევიზიაში რეჟისორად მუშაობდა ; 1985 წლიდან იყო მარჯანიშვილის თეატრის რეჟისორი. მარჯანიშვილის თეატრში მისი ერთ-ერთი ყველაზე მნიშვნელოვანი სპექტაკლი იყო „გრაალის მცველნი“.

წლების განმავლობაში იყო ახმეტელის თეატრის სამხატვრო ხელმძღვანელი; „რკინის თეატრის“ დამფუძნებელი და სამხატვრო ხელმძღვანელი, „ხელოვნების ცენტრის“ დამფუძნებელი და დირექტორი, საქართველოს შოთა რუსთაველის თეატრისა და კინოს სახელმწიფო უნივერსიტეტის ასოცირებული პროფესორი.