ავტორი:

"ამ მოვლენას სიცოცხლეში ვეღარ ვნახავთ... ბოლოს 800 წლის წინ იყვნენ ასე ახლოს იუპიტერი და სატურნი" - ქართველმა ასტროფოტოგრაფებმა უიშვიათესი მოვლენა გადაიღეს

"ამ მოვლენას სიცოცხლეში ვეღარ ვნახავთ... ბოლოს 800 წლის წინ იყვნენ ასე ახლოს იუპიტერი და სატურნი" - ქართველმა ასტროფოტოგრაფებმა უიშვიათესი მოვლენა გადაიღეს

ქართველმა ასტროფოტოგრაფებმა ბექა მამუკაშვილმა, დავით დვალმა და ლაშა ებიტაშვილმა ბაზალეთის ტბის მიმდებარე ტერიტორიიდან უიშვიათესი ასტრონომიული მოვლენა გადაიღეს.

"800 წლის წინ, 1226 წელს სატურნი და იუპიტერი ასე მიუახლოვდნენ ერთმანეთს. მანამდეც უახლოვდებოდნენ, თუმცა, ასეთ მანძილზე მხოლოდ მეცამატე საუკუნეში იყვნენ.

ორი მთავარი გამოწვევა იყო:

1. ყველაზე მნიშვნელოვანი: ამინდი, რომელიც თავიდან კარგი ჩანდა, შემდეგ კი სრულად მოიღრუბლა და წვიმამდე ცოტა დააკლდა.

2. ორივე პლანეტა ძალიან მალევე ჩადიოდა და გადასაღები ფანჯარა საკმაოდ მცირე გვქონდა. ამიტომ წინასწარ მოვემზადეთ, შევარჩიეთ რაკურსები და დაველოდეთ ამინდის ღმრთის ნებას, იქნებ როგორმე, რამენაირად 10 წუთით მაინც გამოსულიყო ამინდი.19:15-ზე, თხელი ღრუბლების ფონზე ჯერ ერთი პლანეტა გამოჩნდა, რამდენიმე წუთში კიდევ მეორე. მცირე ხანში ორივე კაშკაშად გამოჩნდა და ვიხელთეთ დრო, მე და Lasha-მ კამერით და David-მა ტელესკოპით, და გადავიღეთ ის, რასაც ძალიან დიდხანს ვეღარ ვნახავთ და რისი არნახვის რისკიც ძალიან დიდი იყო.

ესაა, რაცაა. ჩვენ კმაყოფილები ვართ. და ცოტა გაყინულებიც", - წერს ბექა მამუკაშვილი.

ლაშა ებიტაშვილი:

"„ამას ჰგვანდეს, ოდეს ერთგან მუშთარ, ზუალ შეიყარნეს...“ დღეს ის დღეა, როცა დროში მოგზაურობ და შოთა რუსთაველის თანამედროვე გგონია თავი. განსაკუთრებული ამბავია, რადგან ბოლოს 800 წლის წინ დაუახლოვდნენ ასე ახლოს იუპიტერი და სატურნი და რადგან, ამ მოვლენას სიცოცხლეში ვეღარ ვნახავთ. თავზე ზუსტად ეს ორი პლანეტა დამნათის ეფექტური ფოტოების ავტორი - ბექა მამუკაშვილი"

დავით დვალი:

"მისი უდიდებულესობა იუპიტერი თანამგზავრებითურთ და მისი უმცროსი კოლეგა სატურნი, მითოლოგიით იუპიტერის მამა ერთ კადრში. ასე ახლოს ჩვენ ცაზე 800 წლის წინ ჩანდნენ. თითქმის ჩასვლის წინ გამოანათეს ღრუბლებიდან".

"უცებ დერეფანში გამაჩერა...ემოციისგან ხმა ჩამიწყდა" - რა ისტორიას იხსენებს ჟურნალისტი მაკა რაზმაძე ჯულიეტა ვაშაყმაძეზე

"არაერთი გადაცემა მაქვს ჩაფიქრებული" - რას ამბობდა ჯულიეტა ვაშაყმაძე ტელევიზიაში დაბრუნებაზე? ტელეწამყვანისა და მისი ოჯახის უნიკალური კადრები

ვინ არის განელი ტელეწამყვანი, რომლის უჩვეულო აქცენტმა და გამოთქმამ მსოფლიო გაამხიარულა - "ჩემი წარმატების მიზეზი გაუნათლებლობა და დიდი ცხვირია"