"არაერთი გადაცემა მაქვს ჩაფიქრებული" - რას ამბობდა ჯულიეტა ვაშაყმაძე ტელევიზიაში დაბრუნებაზე? ტელეწამყვანისა და მისი ოჯახის უნიკალური კადრები

ქართული ტელევიზიის სახე, ჟურნალისტი, ტელეწამყვანი, მსახიობი, ჯულიეტა ვაშაყმაძე 87 წლის ასაკში გარდაიცვალა. "ნანუკას შოუს" არქივში ჯულიეტასა და მისი ოჯახის ერთობლივი უნიკალური კადრები მოიპოვება, რომელსაც ნანუკა ჟორჟოლიანი შოუს ოფიციალურ გვერდზე აქვეყნებს.

ჟულიეტა ვაშაყმაძე საუბრობს შვილებთან ურთიერთობაზე, თავის პირველ ნაბიჯებზე ტელევიზიაში, ასევე ტელევიზიიდან წასვლის რთულ პერიოდზე.

"მე და ჩემი მეუღლე ხშირად მივდიოდით ტელევიზიაში, ვაკეთებდით იმას, რაც უნდა გაგვეკეთებინა, ვბრუნდებოდით უკან, ბავშვებს მივხედავდით და ისევ ვბრუნდებოდით და ეს დღეში ზოგჯერ რამდენჯერმე ხდებოდა ხოლმე. მგონია, რომ მისმენს გიორგი და ყოველი მათგანი სხვათაშორის, ვერ დავემდურები (გულისხმობს შვილებს)", - ამბობს ჯულიეტა ვაშაყმაძე.

ის იხსენებda პერიოდს, როდესაc რადიოში იყო წამყვანი და ყოველ კვირა დღეს ბავშვებს მიმართავდა:

"როდესაც მივედი, ეს იყო 1958 წელი, ეს იყო საქართველოს ტელე-რადიო მაუწყებლობა. მე 14 წლის ასაკიდან ვიყავი რადიოში და მივმართავდი ბავშვებს ყოველ კვირას - "ბავშვებო, ვიწყებთ პიონერთა დაფიონის საკვირაო გამოშვებას და პირველი, ყველაზე დასამახსოვრებელი რაც იყო, ოქტომბერში იყო თბილისის 1500 წლისთავი, მაშინ გაკეთდა გადაცემა, იმ გადაცემაში გარდა ფოტოებისა ძალიან დიდი მოცულობით იყო კადრში სასუბრო ტექსტები", - ამბობს ტელეწამყვანი. მისი თქმით, მიუხედავად იმისა, რომ ფილმებშიც გადაიღეს, მაინც ტელევიზიაში დარჩენა ამჯობინა.

ჯულიეტა ვაშაყმაძემ ისაუბრა ტელევიზიის დატოვების შესახებაც და თქვა, რომ ის და მისი მეუღლე ერთად გამოუშვეს.

"დიდი უსამართლობა იყო, მე იმ ცხრა წელიწადს ვეღარავინ ვერ დამიბრუნებს, იურიდიულ უსამართლობას ვგულისხმობ სხვათაშორის, ამას უკვე მოჰყვება მორალურიც, შემოქმედებითიც, მატერიალური...ხომ წარმოგიდგენიათ რა განცდაა ეს?!" - ამბობდა ტელეწამყვანი.

კითხვაზე - რომ შესთავაზონ, დაბრუნდება თუ არა ტელევიზიაში, ჟულიეტამ ასე უპასუხა - "სხვათაშორის, ეს ჩემთვის უცხო არ იქნება და მაქვს კიდევაც არაერთი გადაცემა ჩაფიქრებული."