ცნობილია, როდის ამუშავდება სოხუმის აეროპორტი - ასლან ბჟანია თარიღს ასახელებს

ოკუპირებული აფხაზეთის დე ფაქტო პრეზიდენტი ასლან ბჟანია სოხუმის აეროპორტის ამუშავების თარიღს ასახელებს. ტელეკომპანია RT-სთან ინტერვიუში მან განაცხადა, რომ აეროპორტი ორ წელიწადში ამუშავდება.

„საკითხი, რომელიც დაკავშირებულია სოხუმის აეროპორტის აღდგენასთან და ექსპლუატაციის დაწყებასთან, ჩვენთვის უმნიშვნელოვანესია. რუსეთის ტრანსპორტის მინისტრთან ამ საკითხზე ძალიან თბილი და პროდუქტიული შეხვედრა გვქონდა. ვიტყოდი, რომ აღფრთოვანებული ვიყავი ამ შეხვედრით“, - განაცხადა ბჟანიამ და დასძინა, რომ ამას შეიძლება დასჭირდეს ორი წელი.