მეკო ჩიტიშვილმა სიმსივნე დაამარცხა - "სიხარულისგან იმდენს ვიხტუნავებთ ახლა, მიწისძვრა არ მოხდეს"

მეკო ჩიტიშვილი ახალგაზრდა გოგონაა, რომლის ამბავიც ყველამ იცის. მას თვეების წინ უმძიმესი დიაგნოზი დაუსვეს და დასახმარებლად უამრავი ადამიანი გაერთიანდა. გოგონას სარკომა ჰქონდა, მისი მკურნალობისთვის კი დიდი ოდენობის თანხა იყო საჭირო.

საჭირო სახსრების მოსაძიებლად მეკოს მეგობრებმა სოციალურ ქსელებში სხვადასხვა კამპანია წამოიწყეს და საბოლოოდ მიზანსაც მიაღწიეს.

დღეს კი სასიხარულო ინფორმაცია გახდა ცნობილი. მეკო ჩიტიშვილმა სიმსივნე დაამარცხა.

"მეგობრებო, მოემზადეთ, სიხარულისგან იმდენს ვიხტუნავებთ ახლა, მიწისძვრა არ მოხდეს. ჰისტოლოგიის პასუხი მოვიდა, სიმსივნური ქსოვილები საერთოდ აღარ არის. ეს ვიცოდით, მაგრამ ახლა ლაბორატორიულად დადასტურდა. მეკო შეუერთდა იმ ადამიანების სიას, ვინც სიმსივნე დაამარცხა" - წერს სოციალურ ქსელში მეკოს მეგობარი.