"გამიხარდებოდა საკრებულოში რომ ყოფილიყვნენ, ცოტას გავერთობოდით" - კახა კალაძე ოპოზიციაზე
გამიხარდებოდა აქ რომ ყოფილიყვნენ, ცოტას გავერთობოდით,- ამის შესახებ თბილისის მერმა, კახა კალაძემ ჟურნალისტებთან განაცხადა, რითაც გამოეხმაურა საკრებულოს სხდომაზე ოპოზიციის არყოფნას.
კალაძის თქმით, ოპოზიცია თბილისელების წინაშე პასუხისმგებლობას არ იღებს და ეს მათი არჩევანია.
"მათი გადასაწყვეტია, ჩვენ დემოკრატიულ საქართველოში ვცხოვრობთ, შესაბამისად, ყველა პოლიტიკური პარტია ირჩევს თავის გზას. მე გამიხარდებოდა აქ რომ ყოფილიყვნენ, ცოტას გავერთობოდით.
თუმცა, მათ არ მიიღეს მონაწილეობა, მაგრამ ეს არ არის პირველი შემთხვევა, ისინი არ იღებენ პასუხისმგებლობას თბილისელების წინაშე და იმ განსახორციელებელ მნიშვნელოვან პროექტებზე, რომელიც სჭირდება თბილისს და თბილისელებს" - განაცხადა კალაძემ.
ცნობისთვის, თბილისის საკრებულომ დღეს დედაქალაქის 2021 წლის ბიუჯეტი დაამტკიცა.
LIVE - ეთერშია გადაცემა "რეზიუმე"
რას წერს თეა წულუკიანი "ფეისბუქზე", კარლ ჰარცელის საპასუხოდ - "ძლიერ ვისურვებდი მის მიღებას პარლამენტში..."
