"ვაფასებ ვაქცინის თანაბარი განაწილების მიზნით გაწეულ შრომას" - რას წერს ჯანმოს დირექტორი გიორგი გახარიასთან სატელეფონო საუბრის შესახებ
"თქვენს ერთგულებას საყოველთაო ჯანდაცვის იდეისადმი და ახალი კორონავირუსის ვაქცინის თანაბარი განაწილების მიზნით, გაწეულ შრომას ვაფასებ", - ასე გამოეხმაურა ჯანმრთელობის მსოფლიო ორგანიზაციის გენერალური დირექტორი ტედროს ადანომ გებრეისუსი საქართველოს პრემიერ-მინისტრ გიორგი გახარიასთან სატელეფონო საუბარს სოციალურ ქსელ "ტვიტერში".
ჯანმრთელობის მსოფლიო ორგანიზაციის გენერალურმა დირექტორმა აღნიშნა, რომ პანდემიის დასასრულებლად ერთად მოქმედებაა საჭირო.
"საქართველოს პრემიერ-მინისტრ გიორგი გახარიას მადლობას ვუხდი ძალიან კარგი სატელეფონო საუბრისთვის.
გულწრფელად ვაფასებ თქვენს ერთგულებას საყოველთაო ჯანდაცვის იდეისადმი და ახალი კორონავირუსის ვაქცინის თანაბარი განაწილების მიზნით გაწეულ შრომას.
ჩვენ ერთად უნდა ვიმოქმედოთ ამ პანდემიის დასასრულებლად", - აცხადებს გებრეისუსი.
ჩინელ ჟურნალისტს, რომელიც უხანში კორონავირუსის შესახებ ინფორმაციას ავრცელებდა, ოთხწლიანი პატიმრობა მიუსაჯეს
პუტინმა კორონავირუსის საწინააღმდეგო რუსული ვაქცინის გაკეთება გადაწყვიტა - "ის უსაფრთხოა და ეფექტური, რატომ უნდა ვთქვა უარი?!"
