ფოტოებზე აღბეჭდილი დამანგრეველი მიწისძვრა ხორვატიაში - გარდაცვლილთა რიცხვი შვიდამდე გაიზარდა

ხორვატიაში გუშინ მომხდარი ძლიერი მიწისძვრის შედეგად დაიღუპა 7 და დაშავდა 20-ზე მეტი ადამიანი. მედიის ინფორმაციით, დაღუპულებს შორის 12 წლის გოგონაცაა.

ადგილობრივ პოლიციაში აცხადებენ, მაშველებმა პეტრინიასა და სხვა ქალაქებში ნანგრევებიდან ადამიანები გამოიყვანეს და სამძებრო ოპერაციები ამჟამადაც გრძელდება.

ხორვატიაში 6.4 მაგნიტუდის სიმძლავრის მიწისძვრა გუშინ მოხდა. მიწისძვრის ცენტრი ქალაქ პეტრინიაში, დედაქალად ზაგრებიდან 60 კილომეტრში, დაფიქსირდა.

ეს იყო ხორვატიაში ორი დღის განმავლობაში მომხდარი მეორე მიწისძვრა იყო.