"ვინც ეს მოუგონა ამ შეუდარებელ მომღერალს, მაგათ ჯინაზე დიდხანს იცოცხლებს" - როგორია თემურ წიკლაურის ჯანმრთელობის მდგომარეობა?

მომღერალ თემურ წიკლაურის გარდაცვალების შესახებ სოციალურ ქსელში მცდარი ინფორმაცია გავრცელდა. წიკლაური ცოცხალია. ის კორონავირუსითაა ინფიცირებული და მკურნალობას გორის კლინიკაში აგრძელებს. როგორც წიკალურების ოჯახის ახლობელი ამბობს, მისი ჯანმრთელობის მდგომარეობა სტაბილურად მძიმეა.

გვესაუბრება თემურ წიკლაურის მეგობარი, ჟურნალისტი მაია კახიძე:

"რაც ეს ფეიკინფორმაცია გავრცელდა, ტელეფონი არ გაჩერებულა, ცრემლი და ელდა ერთმანეთში ირეოდა, აი, ახლა, სანკტ-პეტერბურგიდან მარინა ამელინა მირეკავს მესენჯერში გულგახეთქილი, თემური ყველას უყვარს და ვინც მას ახლოს იცნობს, უფრო მეტად ხო? წარმოიდგინეთ, რა დაგვემართებოდა... ჰოდა, ვინც ეს მოუგონა ამ შეუდარებელ მომღერალს, მაგათ ჯინაზე დიდ ხანს იცოცხლებს. მჯერა, მაგრამ იმათ გულში ჩამახედა, ასეთ საშინელ რამეს რომ იგონებენ, როგორ სუნთქავენ, ხვალ როგორ უნდა გაუსწორონ ზეცას თვალი, ეს ბოროტებაა, მოვითხოვ დასჯას, თემური ამას არ იმსახურებს და არც არავინ! თემო, შემოგევლე, აბა, შენ იცი!"

ამავე თემაზე: "ვინც პოსტავს ბაბუაჩემზე გარდაიცვალაო, არის სრული ტყუილი და სისულელე" - თემურ წიკლაურის შვილიშვილი განცხადებას ავრცელებს