ავტორი:

"ქუჩის თეატრს" დახმარება სჭირდება - "შენობაში გაჩენილმა ხანძარმა ყველა რეკვიზიტი და კოსტიუმი დაგვიწვა"

"ქუჩის თეატრს" დახმარება სჭირდება - "შენობაში გაჩენილმა ხანძარმა ყველა რეკვიზიტი და კოსტიუმი დაგვიწვა"

რამდენიმე დღის წინ, გლდანი-მუხიანის ქუჩაზე მდებარე შენობა დაიწვა, სადაც "ქუჩის თეატრი" იყო განთავსებული.

"6 წლის განმავლობაში ნაგროვები ყველა რეკვიზიტი და კოსტიუმი დაგვეწვა. შენობა დიდია, იქ რამდენიმე ოფისი იყო განთავსებული, მათ შორის ჩვენიც. დაახლოებით 30 000 ლარის ზარალი მოგვადგა. ყველაზე გულდასაწყვეტია ის, რომ ეს ნივთები თითქმის ყველა ხელნაკეთი იყო. რამ გამოიწვია ხანძარი, ჯერჯერობით უცნობია", - აცხადებს თეატრის ხელმძღვანელი ირაკლი ბიგვავა.

მისი თქმით, ხანძრის შესახებ მის პოსტს "ფეისბუქზე" დიდი გამოხმაურება მოჰყვა და ბევრმა დახმარებაც შესთავაზა.

"იმედი გაგვიჩნდა, რომ ყველაფერი დაკარგული არ არის და ჩვენ შევძლებთ თეატრის გადარჩენას. მივმართავ თხოვნით ყველა ორგანიზაციას და კერძო პირს, ვისთვისაც ვმართავდით წარმოდგენებს და მათ ვისაც უბრალოდ მოგწონთ ხელოვნების ეს მიმდინარეობა. დაგვეხმარეთ, რომ ქუჩის თეატრმა ნაწილობრივ მაინც შეძლოს ზარალის აღდგენა", - წერს ის "ფეისბუქგვერდზე".

თუ სურვილი გაქვთ დაეხმაროთ თეატრს, შეგიძლიათ თანხა შემდეგ ანგარიშზე ჩარიცხოთ: GE81TB7098136020100007

ნინო ჩხეიძის საახალწლო ფოტოსესია - მომღერალი თბილისის ქუჩებში საღამოს კაბებით სეირნობს

"ნაციონალურმა მოძრაობამ" რომ დაინახა ბატონმა გრიგოლმა მიატოვა, ახლა გაახსენდათ ანანიაშვილი და რუსულ ბალეტი" - დავით ოქიტაშვილი

"არ მიღირდა თითქმის განახევრებულ ხელფასზე მუშაობა" - რატომ დატოვეს "ტვ პირველი" ირინა ონაშვილმა, ესმა კუნჭულიამ და რატი დურგლიშვილმა