ქართველი ძიუდოისტების წარმატება პრესტიჟულ ტურნირზე - კატარში საქართველოს ნაკრებმა 5 მედალი, მათ შორის 2 ოქრო მოიპოვა
კატარში გამართულ პრესტიჟულ ტურნირზე საქართველოს ძიუდოისტთა ნაკრებმა 5 მედალი - 2 ოქრო, 1 ვერცხლი და 2 ბრინჯაო მოიპოვა.
ამასთან, საქართველოს ნაკრები ვაჟთა შორის გუნდურ ჩათვლაში მეორე ადგილზე, ხოლო საერთო გუნდურ ჩათვლაში მეოთხე ადგილზე გავიდა.
ტურნირის გამარჯვებული -100 კგ წონითი კატეგორიაში ვარლამ ლიპარტელიანი გახდა, ხოლო - 81 კგ წონით კატეგორიაში - ტატო გრიგალაშვილი. ვერცხლის მედალი ბექა ღვინიაშვილმა (-90 კგ) მოიპოვა, ბრინჯაოს პრიზიორები კი ვაჟა მარგველაშვილი (-66 კგ) და ლაშა ბექაური (-90 კგ) გახდნენ.
რაც შეეხება გამარჯვებულებს, - 100 კგ წონითი კატეგორიის ფინალში, ლიპარტელიანმა აზერბაიჯანელ ზელიმ კოცოევს სძლია. ფინალამდე ტიტულოვანმა ქართველმა ძიუდოისტმა 3 შეხვედრა მოიგო.
- 81 კგ წონითი კატეგორიის ფინალში, მოქმედმა ევროპის ჩემპიონმა ტატო გრიგალაშვილმა ნიდერლანდების ნაკრების წევრი, ფრანკ დე ვიტი იპონით დაამარცხა და ოქროს მედალი მოიპოვა. ფინალამდე ქართველმა ძიუდოისტმა 4 შეხვედრა მოიგო.
"კოვიდი არ აქვს, თუმცა კოვიდიან პაციენტებთან ერთად წევს" - რა ინფორმაციას ავრცელებს მაკა რაზმაძე დავით სოკოლოვზე, რომელიც სიმსივნეს ებრძვის
ბიძინა ივანიშვილი ხელოვნების ნიმუშების მილიარდიან კოლექციას ყიდის - "ერთი ნაწილი უკვე გაიყიდა... დანარჩენი ნახატების რეალიზაცია მოხდება..."
