აქცია "ქართული ოცნების" ყრილობის პარალელურად - რა ვითარებაა "ექსპო ჯორჯიასთან"?

სამოქალაქო აქტივისტების ინფორმაციით, „ექსპო ჯორჯიასთან“ მიმდინარე საპროტესტო აქციაზე სამართალდამცავებმა 10-მდე სამოქალაქო აქტივისტი დააკავეს.

აქციის მონაწილეების განცხადებით, მათი თანამოაზრეები ამ დროისთვის სავარაუდოდ, შსს-ში არიან გადაყვანილი.

სამოქალაქო ატივისტების განმარტებით, „ქართულმა ოცნებამ“ 2020 წლის საპარლამენტო არჩევნები გააყალბა და მათი პროტესტის მიზეზიც სწორედ ეს არის. მათ „ექსპო ჯორჯიასთან“ სამტრედიის ქუჩის გადაკეტვა სცადეს, რისი უფლებაც პოლიციამ არ მისცა.

აქციის მიმდინარეობისას რამდენჯერმე მოხდა დაპირისპირება აქციის მონაწილეებსა და პოლიციას შორის, რის გამოც აქტივისტების ინფორმაციით, დაახლოებით 10 სამოქალაქო აქტივისტია დაკავებული.