ავტორი:

"ზუმის" პროგრამით ნასწავლი ქართული ცეკვები -  ქართულად აცეკვებული იაპონელებით ადგილობრივი ტელევიზიაც დაინტერესდა

"ზუმის" პროგრამით ნასწავლი ქართული ცეკვები -  ქართულად აცეკვებული იაპონელებით ადგილობრივი ტელევიზიაც დაინტერესდა

მელიტა ლომაძეს 16 წელია ცეკვის მოყვარულთა სტუდია აქვს. პანდემიის დაწყებამდე, რამდენიმე წლით ადრე, მისმა მოსწავლემ შესთავაზა დაეწყოთ ერთობლივი პროექტი - ქართული ცეკვის მასტერკლასი ტურისტებისთვის, რომელიც ძალიან მალე გახდა ცნობილი საზღვრებს გარეთ და ქართული ცეკვის შესწავლის სურვილით ჩამოდიოდნენ რუსეთიდან, ბულგარეთიდან, ესტონეთიდან, გერმანიიდან, იაპონიიდან და კიდევ სხვადასხვა ქვეყნებიდან. პოპულარულმა უკრაინულმა სატელევიზიო შოუმ “Орел и Решка” კი, ქართული ცეკვებით გატაცებულ ტურისტებს გადაცემა მიუძღვნა.

როგორ შეაყვარა ცეკვა იაპონელებს და არა მხოლოდ მათ და განსაკუთრებით რა მოსწონთ უცხოელებს ქართულ ცეკვაში - ამ კითხვებზე მაკა ჯიბლაძე და მელიტა ლომაძე გვიამბობენ.

მელიტა ლომაძე:

- იდეა სპონტანურად გაჩნდა და შემდეგ იმხელა ინტერესი გამოიწვია, რომ დავამკვიდრეთ მასტერკლასები ტურისტებისთვის. მსოფლიოში განვითარებული პანდემიის გამო გაგვიჩნდა იდეა გადასულიყო მასტერკლასები ონალაინსწავლებაზე ZOOM პროგრამის მეშვეობით, რამაც გაამართლა და ტურისტებმა უკვე თავიანთი ქვეყნიდან გამოთქვეს სურვილი ჩართულიყვნენ ონლაინ და გაეგრძელებინათ ქართული ცეკვების შესწავლა.

- განსაკუთრებით რა მოსწონთ უცხოელებს?

მაკა ჯიბლაძე:

- "აჭარული" მოსწონთ ყველაზე მეტად, მისი ილეთები, მაგრამ ამ ბოლო დროს ქართული ცეკვის სასცენო მაკიაჟით დაინტერესდნენ და ონლაინ ვასწავლეთ ქართული სასცენო MAKE-UP -ი. ასევე ინტერესდებიან ქართული ცეკვების ისტორიით.

- როგორ ახერხებთ ონლაინსწავლას?

- არათუ ვარხერხებთ, ინტერესი კიდევ უფრო გაიზარდა - 2020 წლის მარტიდან მოყოლებული ჩვენ აქტიურად გვერთვებიან: ამერიკიდან, ესტონეთიდან, რუსეთიდან, საბერძნეთიდან, უნგრეთიდან, უკრაინიდან, კანადასა და იაპონიიდან. უმრავლესობა ტურისტები, რომლებმაც საქართველოში გაიარეს ჩვენთან მასტერკლასები, აგრძელებენ ონლაინგაკვეთილებს.

ჩამოთვლილ ქვეყნებს შორის ყველაზე მეტად აქტიური იაპონიაა, (ტოკიო და სხვა ქალაქები). იაპონიაში გვაქვს რამდენიმე ჯგუფი კვირაში 2 ჯერ 1 საათი და უკვე ცეკვავენ ქართულს, "ლაზურს", "აჭარულს", "რაჭულს" და "კინტაურს". იაპონელები იმდენად გაიტაცა ქართულმა ცეკვებმა, რომ მათი მეგობრები მოიყვანეს, ისეთი ადამიანები რომლებიც საქართველოში ნამყოფები ჯერ არ არიან. ისინიც ცეკვავენ და იმედი აქვთ, რომ მალე შეძლებენ ჩამოსვლას. იაპონური მედიაც კი TV Tokyo დაინტერესდა მათი ქართული ცეკვებით გატაცებით. ყველაზე ხშირად ინტერესდებიან ცეკვებით: "აჭარული", რაჭული", "ლაზური" და შემდეგ უკვე მოდის ცეკვა "ქართული". ონლაინგაკვეთილებს ქართულ, რუსულ და ინგლისურ ენებზე ვატარებთ. ამ პროექტით ჩვენი პატარა წვლილი შეგვაქვს ქართული ნაციონალური კულტურის პოპულარიზაციის საქმეში ქვეყნის ფარგლებს გარეთ.

იხილეთ ვიდეო

ავტორი: ნინო წიფურია

"სულ ვეუბნებოდი: "მაღირსე შენს შვილს, მაღირსე..." უკვე პატარას ველოდებით" - მარინა ჯანაშია დიდი ბებიობისთვის ემზადება

ბოტიჩელის შედევრი სოთბის აუქციონზე რეკორდულ თანხად გაიყიდა - რენესანსის ეპოქის ტილოსთვის ორი ადამიანი იბრძოდა

"ბედნიერებაა, როცა ანნა სახეზე მეფერება, თან თვალებში შემცქერის" - ჯანეტ ქერდიყოშვილის ემოციური წერილი შვილს, რომელიც 1 წლის გახდა