ავტორი:

აშშ-ში კორონავირუსის საწინააღმდეგო ვაქცინის ასობით დოზა განადგურდა - დამლაგებელმა შემთხვევით ის მაცივარი გამორთო, სადაც ვაქცინები ინახებოდა

აშშ-ში კორონავირუსის საწინააღმდეგო ვაქცინის ასობით დოზა განადგურდა - დამლაგებელმა შემთხვევით ის მაცივარი გამორთო, სადაც ვაქცინები ინახებოდა

დასუფთავების სამსახურის თანამშრომლის შეცდომის გამო, "მოდერნას“ მიერ შექმნილი კორონავირუსის საწინააღმდეგო ვაქცინის 1 900 დოზა გაფუჭდა და გამოუსადეგარი გახდა. შემთხვევა მაშინ მოხდა, როცა დამლაგებელმა შემთხვევით ის საყინულე გამორთო, სადაც ვაქცინა ინახებოდა. ამის შესახებ abcnews წერს. შემთხვევა ბოსტონში მოხდა.

ბოსტონის ჯანდაცვის სისტემის წარმომადგენილი ქაილი ტოტო ამბობს, რომ აღნიშნულ მაცივარში შენახული ყველა ვაქცინა ახლა გამოუსადეგარია.

მისივე თქმით, მაცივარი უსაფრთხო ადგილას ჰქონდათ მოთავსებული და ასევე სიგნალიზაციის სისტემაც იყო დამონტაჟებული, უსაფრთხოების მიზნით. ტოტოს განმარტებით, იქ შესვლა უცხო ადამიანისთვის შეუძლებელი იყო და როგორც გაირკვა, მაცივარი სრულიად შემთხვევით, დამლაგებელმა გამორთო.

ბოსტონში აცხადებენ, რომ ეს ფაქტი ხელს ვერ შეუშლის ვაქცინაციის პროგრამის განხორციელებას და ჯერჯერობით მათ საჭირო რაოდენობის ვაქცინები აქვთ.

აშშ-ის დაავადებათა კონტროლისა და პრევენციის ცენტრის ინფორმაციით, "მოდერნას" ვაქცინის შესანახად აუცილებელი ტემპერატურაა -25°C-დან - 15°C-მდე.

"მოსაწყენია, გოგოებო“ - რა განაცხადა ვლადიმირ პუტინმა გელენჯიკის სასახლეზე, რომელიც ალექსი ნავალნის გამოძიების თანახმად, მისია

ჯო ბაიდენი სამხედრო სამსახურში ტრანსგენდერების მიღებაზე დაწესებულ აკრძალვას სავარაუდოდ, გააუქმებს

"ჯოს ანგელოზები" - ვინ არიან "ბაიდენის გვარდიის" მთავარი ქალები