დიღმის მასივში, "ნიკორას" თანამშრომელი დაჭრეს

თბილისში, დიღმის მასივში სუპერმარკეტ "ნიკორას" თანამშრომელი დაჭრეს.

როგორც "ინტერპრესნიუსს" შინაგან საქმეთა სამინისტროში განუცხადეს, მომხდართან დაკავშირებით გამოძიება სისხლის სამართლის კოდექსის 19/108-ე მუხლით მიმდინარეობს, რაც განზრახ მკვლელობის მცდელობას გულისხმობს.

არსებული ინფორმაციით, შემთხვევა სუპერმარკეტის ტერიტორიაზე არ მომხდარა. შემთხვევას წინ უძღოდა ურთიერთშელაპარაკება, რის შემდეგაც უცნობმა პირმა "ნიკორას" თანამშრომელი ცივი იარაღით სუპერმარკეტის გარე პერიმეტრზე დაჭრა.