ბოტიჩელის შედევრი სოთბის აუქციონზე რეკორდულ თანხად გაიყიდა - რენესანსის ეპოქის ტილოსთვის ორი ადამიანი იბრძოდა
სანდრო ბოტიჩელის ნახატი "ახალგაზრდა მამაკაცი მედალიონით ხელში" სოთბის აუქციონზე 92 მილიონ დოლარად გაიყიდა და ეს იტალიური რენესანსის გამორჩეული წარმომადგენლის შემოქმედებაში გადახდილი რეკორდული რაოდენობის თანხაა.
მიიჩნევა, რომ ახალგაზრდა კაცის პორტრეტი 1470-იან, ან 1480-იან წლებშია შექმნილი. ის ბოტიჩელის ერთ-ერთ საუკეთესო ნამუშევრად ითვლება.
როგორც BBC წერს, ნახატი ხუთშაბათს, ნიუ-იორკში სოთბის აუქციონზე გაიყიდა. აუქციონის ვიცე-პრეზიდენტმა პორტრეტს შედევრი უწოდა. "ბოტიჩელის ნამუშევრები ყველა მიმართულებით საინტერესოა. ის წარმოადგენს რენესანსის სიმბოლოს“, - ამბობს ის "ესოშიეითიდ პრესთან".
პორტრეტზე ასახულია ახალგაზრდა მამაკაცი, რომელსაც აქვს გრძელი ოქროსფერი თმა, ხელში კი მომრგვალებული, დისკოს ფორმის მედალიონი, რომელზეც წმინდანია გამოსახული.
აღნიშნული ტილოსთვის ორი პირი იბრძოდა და საბოლოოდ, ყველაფერი ხუთ წუთში დასრულდა. ნახატის მყიდველის ვინაობა ამ დრომდე გასაიდუმლოებულია.
"მომწონს დაბერება, ეს თითქოს გამარჯვებაა...მე მოსაწყენი და ცოტა უფრო შეშლილი ვარ, ვიდრე სხვებს ჰგონიათ" - ანჯელინა ჯოლი
"მკითხა: სიზმარი რომ ნახე, სად იჯდა ჩემი ბიჭიო... მერე მივიდა და დაფიქრებული დასცქეროდა იმ ნანგრევებს" - თემურ წიკლაურზე მეგობრები უცნობ და ემოციურ ისტორიებს იხსენებენ
