"ისევ იწერება ინტერნეტში ბაბუაჩემის გარდაიცვალების შესახებ..." - რას წერს თემურ წიკლაურის შვილიშვილი და რას ამბობს მომღერლის მდგომარეობაზე

მომღერალ თემურ წიკლაურის გარდაცვალებასთან დაკავშირებით სოციალურ ქსელში მორიგი ცრუ ინფორმაცია გავრცელდა. ამასთან დაკავშირებით "ფეისბუქის" პირად გვერდზე წიკლაურის შვილიშვილი ანდრო გოგიბედაშვილი პოსტს აქვეყნებს და ბაბუის მდგომარეობის შესახებაც წერს.

"მეგობრებო, როგორც გავიგე, ისევ იწერება ინტერნეტში ბაბუაჩემის გარდაიცვალების შესახებ. სიტუაცია საკმაოდ გართულდა და მძიმეა, თუმცა ჯერ ცოცხალია", - წერს ანდრო გოგიბედაშვილი.

• "კარგი სიახლე არ გვაქვს, თემურის მდგომარეობა გართულდა და დამძიმდა" - რას წერს ქეთი წიკლაური მამის ჯანმრთელობის მდგომარეობაზე

შეგახსენებთ, ქართველი მომღერალი თემურ წიკლაური თავდაცვის სამინისტროს გორის სამხედრო ჰოსპიტალშია მოთავსებული. თემურ წიკლაურს კორონავირუსი დაუდასტურდა, მდგომარეობის გართულების შემდეგ კი, ის სტაციონარში გადაიყვანეს.