ავტორი:

ანჯელინა ჯოლი უინსტონ ჩერჩილის ნახატს ყიდის - მეორე მსოფლიო ომის დროს შექმნილი ტილოს უცნობი ისტორია

ანჯელინა ჯოლი უინსტონ ჩერჩილის ნახატს ყიდის - მეორე მსოფლიო ომის დროს შექმნილი ტილოს უცნობი ისტორია

ჰოლივუდის ვარსკვლავი, ანჯელინა ჯოლი უინსტონ ჩერჩილის ნახატს ყიდის. ჩერჩილმა ის მეორე მსოფლიო ომის დროს შექმნა და აღსანიშნავია, რომ ეს არის მეორე მსოფლიო ომის განმავლობაში ბრიტანეთის იმდროინდელი პრემიერ-მინისტრის მიერ შესრულებული ერთადერთი ნახატი.

მსახიობი უნიკალური ნამუშევრის გატანას კრისტის აუქციონზე გეგმავს და მისი საწყისი ფასი სავარაუდოდ, 2,5 მილიონი ევრო იქნება. აღნიშნულის შესახებ CNN წერს.

ჩერჩილმა "Tower of the Koutoubia Mosque" მაროკოში, მარაკეშში ყოფნისას დახატა. 1943 წელს, იანვარში კასაბლანკას კონფერენცია გაიმართა, სადაც ჩერჩილი და აშშ-ის მაშინდელი პრეზიდენტი, ფრანკლინ დელანო რუზველტი ნაცისტური გერმანიის დასამარცხებელი სტრატეგიის შემდგომ ეტაპზე შეთანხმდნენ. შეთანხმების შემდეგ კი პირველმა პირებმა მარაკეშში გაისეირნეს. ყოველივე კი ბრიტანეთის პრემიერისთვის შთაგონების წყარო გახდა.

მან მარაკეშის ერთ-ერთი სცენა დახატა და ნამუშევარი რუზველტს აჩუქა.

"ეს არის ჩერჩილის ერთადერთი ნამუშევარი, რომელიც ომის დროს დახატა და უდავოდ საუკეთესოა მის მხატვრულ შემოქმედებაში, არა მხოლოდ დახვეწილი საშემსრულებლო ოსტატობის გამო, არამედ უფრო მეტად იმის გამო, რომ ნახატი ხაზს უსვამს ორი ქვეყნის პირველ პირებს შორის მეგობრულ ურთიერთობას, ის თავისი თემატიკის გამოა უნიკალური.

რუზველტისთვის მიძღვნილი ასეთი საჩუქარი ხაზს უსვამს იმ ფაქტს, რომ ჩერჩილი დიდ ყურადღებას უთმობდა აშშ-ის პრეზიდენტს და რომ ისინი ერთმანეთს უმნიშვნელოვანეს მოკავშირეებად მიიჩნევდნენ მეორე მსოფლიო ომის შედეგების წარმართვაში“, - ამბობს ბრიტანელი ხელოვნებათმცოდნე ნიკ ორჩარდი.

ნახატი ანჯელინა ჯოლის პირად კოლექციაში 2011 წელს აღმოჩნდა. კრისტის აუქციონის მესვეურთა ცნობით, მსახიობმა ის სწორედ ამ პერიოდში შეიძინა, თუმცა ვინ იყო მისი მფლობელი მანამდე და რა თანხა გადაიხადა ანჯელინამ ნამუშევარში, უცნობია.

ეგვიპტეში აღმოაჩინეს მუმიები ოქროს ენით - რას უკავშირებენ მეცნიერები ფაქტს და კიდევ რა ინახებოდა უნიკალურ სამარხში

ილონ მასკის დედამ ანუკის კაბა მოირგო - რა ფოტოს აქვეყნებს მეი მასკი "ინსტაგრამზე"

უცნაური აფრიკული ტომი, სადაც მამაკაცები ქალების მოხიბვლას მაკიაჟითა და ვარცხნილობით ცდილობენ